Video
Read full review
2018-12-12
415 views
變凍又係時候去打邊爐，本來想翻炒同區另一間火鍋…但即日訂枱已經全部滿座…好在616有位！我係第一次去，朋友食過，話記得啲牛都唔錯，身為牛魔王既我梗係躍躍欲試啦。店內係懷舊theme，坐位少少迫，櫈下有個籃仔放袋。但咁凍個個都又有褸又有頸巾，就冇位放了。全店都用Ipad落單，不過咁樣反而難啲一眼睇晒有咩食（例如同一種牛肉放左喺兩個category度)。第一次去，真係唔識啲牛既部位，好在墊枱紙係牛肉部位圖，雖然大部份都冇食過，但起碼望住叫無咁lost。唔辣既湯底只得牛骨清湯一款，但上枱飲落都冇咩牛味，反而蘿蔔味重啲。因為本身都鍾意飲湯，所以有啲失望…第一輪牛肉叫左滑尾龍、牛朴肉、匙柄、吊龍伴，呢幾樣都見到openrice推介既。呢幾種入面我地最鍾意牛朴肉，因為嫩得耐又有咬口。反而匙柄感覺好乾，同埋唔太重牛味。滑尾龍係打左隻生蛋落去，要拌勻再落鍋。食法都幾得意，會有啲蛋絲痴左喺片牛肉度，牛肉超級滑，滑到我朋友話有啲dodgy，唔知係咪落左啲咩去marinate先咁滑。第二輪叫左脖仁、牛駝峰，相對比較滿意。脖仁即係牛頸脊，自己覺得佢有肥牛既口感，但就少好多肥膏，係當晚最鍾意。牛駝峰都唔錯，但就
店內係懷舊theme，坐位少少迫，櫈下有個籃仔放袋。但咁凍個個都又有褸又有頸巾，就冇位放了。
全店都用Ipad落單，不過咁樣反而難啲一眼睇晒有咩食（例如同一種牛肉放左喺兩個category度)。第一次去，真係唔識啲牛既部位，好在墊枱紙係牛肉部位圖，雖然大部份都冇食過，但起碼望住叫無咁lost。
唔辣既湯底只得牛骨清湯一款，但上枱飲落都冇咩牛味，反而蘿蔔味重啲。因為本身都鍾意飲湯，所以有啲失望…
第一輪牛肉叫左滑尾龍、牛朴肉、匙柄、吊龍伴，呢幾樣都見到openrice推介既。
呢幾種入面我地最鍾意牛朴肉，因為嫩得耐又有咬口。反而匙柄感覺好乾，同埋唔太重牛味。
牛扑肉，蝦滑
20 views
0 likes
0 comments
吊龍伴，匙柄 （上至下）
36 views
0 likes
0 comments
滑尾龍係打左隻生蛋落去，要拌勻再落鍋。食法都幾得意，會有啲蛋絲痴左喺片牛肉度，牛肉超級滑，滑到我朋友話有啲dodgy，唔知係咪落左啲咩去marinate先咁滑。
滑尾龍
16 views
0 likes
0 comments
第二輪叫左脖仁、牛駝峰，相對比較滿意。脖仁即係牛頸脊，自己覺得佢有肥牛既口感，但就少好多肥膏，係當晚最鍾意。牛駝峰都唔錯，但就唔係好食得出特別口感。之後重叫左牛滑，但我覺得好似點煮都好大陣生牛肉味，冇咁鍾意。
脖仁，牛駝峰，牛滑（上至下）
19 views
0 likes
0 comments
因為唔想全部都係牛，另外叫左生菜、菇、同蝦滑，都係不過不失。
埋單每人大約$300，唔算好貴。牛肉全部都細細碟，係可以試多幾種唔同部位，但湯底方面令人失望，牛肉亦都唔算特別好味，所以未必會再黎。
Post
