Mint & Basil (海堤灣畔)

Open Now

Now Closed

放假就過咗東涌行下街探下朋友，經過呢間Mint & Basil見幾多人幫襯就入咗去，食物選擇多樣化，有齊泰式、越南及印度菜。餐廳係海堤灣畔商場地下，有户外同室內位置，空間算寬敞，整體氛圍輕鬆。Lamb Rogan Josh 傳統咖哩羊肉（$138）色香味俱佳，羊肉入口即化，香氣四溢，咖哩醬汁濃郁，口感豐富。Garlic Naan 燒餅（$35）外皮烤得微微焦香酥脆，口感鬆軟，加上濃郁的大蒜香味，絕佳咖哩配菜！Aloo Gobi椰菜花炒土豆（$88）椰菜花、土豆口感軟硬適中，配以豐富香料和醬汁，非常惹味。Chicken Biryani印度黃雞飯（$128）米飯粒粒分明，加上多款香料同嫩雞肉炒香，入口較乾身味道濃郁，香氣同辣度都夠。Khaow Niav Mamueng 芒果糯米飯（$88）呢個甜品好有驚喜，絕對不容錯過！三色糯米飯軟糯甜香，芒果鮮甜多汁，再淋上微暖椰漿，讓人一口接一口！Thai Colada（$58）泰式椰漿雞尾酒清爽可口，椰漿嘅香甜和酒嘅苦度完美融合，消暑解渴。Strawberry Delight（$58）顏色鮮艷吸引，以士多啤梨配上菠蘿、檸檬汁調製，入口甜度較酸度高。