Video
Read full review
2023-03-03
656 views
今次終於book位同朋友嚟試下，燒魂主打日式料理燒肉放題，去到樓下已經見到大大個招牌，好多食客都想有得食刺身壽司，同時又有得食燒肉，仲要係放題，呢度就可以一個價錢一次過滿足晒兩個願望。餐廳裝修係黑色型格風，昏暗燈光有格調。獨立梳化卡位寬敞舒適，私隱度高，同朋友可以盡情食得開懷。menu款式多，餸名改得過癮，一坐低梗係剔轉刺身同壽司先啦。#刺身最開心就係率先上枱嘅刺身拼盤，點咗三文魚、吞拿魚、甜蝦、馬刀貝、八爪魚、玉子，樣樣鮮甜，尤其甜蝦同馬刀貝，叫咗幾轉。#壽司每款都點嚟試吓，松露醬大蝦壽司，充滿松露香氣，芒果乳酪加州卷，味道好夾好清新。仲有幾款火焰壽司，蟹棒、鰻魚、三文魚，食放題最緊要舊飯係細細舊。#一品料埋熟食都好多款式，點咗爽脆腸中寶，豬大腸中間塞咗好多辣椒醃料，香辣又惹味，本身已經係熟食，不過我自己鍾意燒一燒表面更加香脆。蒜爆通菜，用瓦煲奉上，上枱時仲滾到「治治」聲，通菜爽口熱辣辣，好有鑊氣。#當店食事卜卜煮大蜆，好鍾意食日式煮蜆，沙白新鮮肥美，煮得唔會過火，蘿蔔湯底清甜。#沙律泰式生蝦刺身，個泰式醬好酸酸辣辣好惹味，必點。仲有胡麻冷豆腐、肉鬆蟹籽沙律，沙律清新開胃，配燒肉食中
餐廳裝修係黑色型格風，昏暗燈光有格調。獨立梳化卡位寬敞舒適，私隱度高，同朋友可以盡情食得開懷。menu款式多，餸名改得過癮，一坐低梗係剔轉刺身同壽司先啦。
刺身併盤
9 views
0 likes
0 comments
最開心就係率先上枱嘅刺身拼盤，點咗三文魚、吞拿魚、甜蝦、馬刀貝、八爪魚、玉子，樣樣鮮甜，尤其甜蝦同馬刀貝，叫咗幾轉。
壽司
8 views
0 likes
0 comments
每款都點嚟試吓，松露醬大蝦壽司，充滿松露香氣，芒果乳酪加州卷，味道好夾好清新。仲有幾款火焰壽司，蟹棒、鰻魚、三文魚，食放題最緊要舊飯係細細舊。
爽脆腸中寶
19 views
0 likes
0 comments
熟食都好多款式，點咗爽脆腸中寶，豬大腸中間塞咗好多辣椒醃料，香辣又惹味，本身已經係熟食，不過我自己鍾意燒一燒表面更加香脆。蒜爆通菜，用瓦煲奉上，上枱時仲滾到「治治」聲，通菜爽口熱辣辣，好有鑊氣。
海鹽枝豆、蒜爆通菜、卜卜煮大蜆
14 views
0 likes
0 comments
#當店食事
卜卜煮大蜆，好鍾意食日式煮蜆，沙白新鮮肥美，煮得唔會過火，蘿蔔湯底清甜。
泰式生蝦刺身、胡麻冷豆腐、肉鬆蟹籽沙律、田園雜菜沙律
5 views
0 likes
0 comments
#沙律
泰式生蝦刺身，個泰式醬好酸酸辣辣好惹味，必點。仲有胡麻冷豆腐、肉鬆蟹籽沙律，沙律清新開胃，配燒肉食中和油膩感。
#日式燒烤
重頭戲就到日式燒肉，分別有豬、牛、雞肉，各有唔同部位及味道可以揀，餐廳提供三款燒肉汁。
惹火豚后
9 views
1 likes
0 comments
血池赤豚小排、蜜運豚后肉、奧斯卡豚后肉，樣樣調味適中，唔會話醃到好鹹。
騷肌牛皇
26 views
0 likes
0 comments
牛肉併盤賣相吸引，唔同部位嘅質素都好好，燒肉必點之選。
#黑毛飛霜空降和牛，薄切，脂肪分布平均，入口柔軟。
#薄切牛舌，飛咗邊嘅牛舌心柔軟，唔使燒好耐，僅僅熟最好味。
#騷騷牛裡肌，牛味濃郁，燒好後沾醬汁惹味。
#壺漬牛粒，最肥美，質地好有嚼勁，燒熟表面，鎖住裡面肉汁。
穀飼鳥雞
10 views
0 likes
0 comments
食燒肉一定會想燒吓雞翼，有生薑、柚子、孜然味，可以試晒唔同味，仲要係單骨雞翼更加方便燒。辛辣黑椒雞腿肉，黑椒味好香，啖啖肉，最緊要放喺旁邊慢慢燒。
#燒魂地址：尖沙咀漆咸道南57-59號金馬倫中心2
Post
