燒魂

Open Now

Now Closed

尖沙嘴日式放題燒肉專門店 - 燒魂每年CK都會黎燒魂翻焯，順便睇睇有無新菜式既。呢期餐廳重點推介酒，韓國星光有氣清酒🍶法國利維子爵白酒🍾日本1800ml清酒🍶可惜我就無咩興趣，哈哈不過而家香港大部份餐廳好早就收鋪，難得呢度開到凌晨一點，好難得既一個俾三五知己聚會既好地方 ! 簡單講下CK既重點推介啦 : 燒肉既話，今日CK會推介食鹽燒一口豚同蜜運豚后肉，入口即溶同甜甜地好開胃，而雞CK就推薦香茅雞中翼，夠哂入味 🤩 如果覺得唔夠味，枱上仲有三款醬汁俾大家調番岩自己口味既 ! 剌身方面CK就推薦三文魚﹑馬刀貝同甜蝦，三文魚意想不到比一般日式餐廳仲好食 😍 而馬刀貝都幾新鮮 !甜蝦又做到極致鮮甜，肉質彈牙，一隻接著一隻超過癮！甜蝦長七吋，足足有成部Iphone 咁大條啊 !  炸物既話餐廳炸得好脆而且唔會好油，CK推薦食北海道牛乳松葉蟹薯餅！ 飲品係雪櫃雪住俾大家任飲既，當然想飲常溫飲品都係可以既餐廳上菜速度都好快！店員時不時過黎提醒燒肉燒夠鐘提我地翻一翻肉，十好貼心 ❤️CK一定會再黎既 ! 燒魂 (尖沙咀)地址 : 尖沙咀漆咸道南57-59號金馬倫中心2樓訂座電話 : 23666072營

餐廳位置方便，黎開尖沙咀行街約Frd 嘅，無論係尖沙咀定係尖東過去都好近。餐廳坐得舒服，而且枱同枱中間亦都唔會好近，同朋友聚會食飯傾偈都唔怕隔籬枱騷擾到。同其他日式韓式放題一樣，都可以自己隨意點餐，而且種類都好多。從泰式生蝦沙律去到韓式拌飯同埋菠蘿炒飯都有。刺身都好新鮮，而且份量好大。有魚類、蝦類、熟嘅玉子燒都有。豬肉方面，味道都幾新鮮。可以試到血池赤豚小排，佢用咗泡菜汁嚟醃，食落去真係辣辣地。麵豉黑豚大腸都好少見，鍾意食大腸嘅朋友一定要嚟試吓。雞類方面雞翼有三種新穎嘅醃法：生薑味、柚子蜜味、孜然味。建議大家一次過都試晒！牛方面都有餐廳嘅特色做法：鮮蕃茄同埋西柚汁味都好特別，想試新嘢嘅朋友都叫吓嚟試啦。

小編同太太今次嚟到位於尖沙咀嘅呢一間燒肉放題餐廳慶祝生日，小編相當欣賞呢間餐廳嘅員工服務態度，食物方面刺身相當新鮮，三文魚同埋鮑片係小編喜歡食嘅刺身燒肉方面，每一款燒肉不論牛肉，豬肉，雞肉都相當新鮮，小編尤其喜歡牛肉同埋黑胡椒雞肉，另外亦都有一啲一品料理，天婦羅亦都係相當出色，飲品方面亦都有好多種選擇，喺飲品雪櫃可以自己選擇，全程整個用餐都上堂滿意，每次order嘅食物都會上足，絕對推薦呢一間日式燒肉放題餐廳俾大家

任食兩小時，6:18入去，可能早，只有兩枱客，7:40 last order ，8:00同我地講夠鐘，示意叫我地走，但當時全場唔full,包埋我地只有5枱客，都算數，諗住飲埋罐野先走啦，突然推格車仔收晒我地d野，我罐野飲未飲完都收埋😡，爆場既話我理解，但咁樣唔可以接受，冇下次

依度居然可以一次過食晒燒肉加日式放題﹗食物種類好多日式壽司、刺身、沙律、炸物基本野都齊燒肉裡面牛、豬、雞每款都有唔少可以揀雞主要係雞翼類，有好多種唔同味道少見嘅孜然味﹗食落好惹味仲好貼心咁剪開一半，易燒又易食咗霜降牛夠多雪花，夠晒薄切可以快啲食牛舌都有兩款牛味好出，唔洗點醬料都好好食醬料除咗醬油之外，仲有泰式醬同韓式泡菜味嘅醬最特別係有蕃茄味霜降牛甜甜地每牛嘅味道更上一個層次，一定要試下﹗豬嘅話最好食係豬頸肉煎到好香脆再加埋本來醬料超好食除此之外仲有多國菜式沙律居然有泰式生蝦，一份有兩隻，好好食熟食類都好吸引牛油粟米每粒都好甜，而且夠多牛油足份咁滲入燴牛舌好淋好入味每樣都好大份，但絕對值得比佢地佔據胃嘅位置XD汽水啤酒都任飲款式都唔少座位夠闊同舒服，叫咗好多野食都放得晒雖然電子落單方便咗，手寫單嘅放題好令人懷念店員雖然好忙但都會記得轉頭返嚟幫手收單分開叫咗好多轉都無漏單

好耐冇食放題，放題真系一樣架吾中就會想食嘅野食。尖沙咀金馬倫道有一間餐廳叫燒魂，名符其實有燒肉，其餘有刺身 壽司 一品料理等食物，食材豐富。首先試嘅當然系刺身，有三文魚 鮑片 甜蝦 八爪魚🐙全部都好新鮮！三文魚向來系大家放題不二之選。壽司款式特別🍣同出面有所不同，松露熟蝦壽司🦐配搭新穎 鹽燒三文魚逼出油脂 比想像中好味😋鰻魚軟稔 醬汁入味🤎牛油粟米🌽牛油味香濃💛粟米香甜，食親放題必叫～炸物同樣出色，數款炸物同樣香脆可口，香芋丸餡料香甜軟綿💜炸蝦蝦肉爽口彈牙🍤牛乳忌廉餅忌廉好creamy🤍呢度最特別系有埋燒肉放題，食咗豬肉先🐷鹽燒豬頸肉最令我印象深刻，充滿嚼勁。鹽燒豚肉就食到原始豬肉味。孜然雞翼少還原到譚X土匪雞翼😹牛肉用料上乘，有黑毛霜降和牛🐮油脂分佈均勻。薄切牛舌亦好有嚼勁👅西柚汁霜降和牛多咗醬汁味道更昇華😊

今日約咗朋友食飯，朋友想食日本放題，最近天氣凍凍哋，最啱就係食燒肉放題！今次我哋嚟咗屹立於尖東多年嘅燒肉放題餐廳 - 燒魂⋯星期一至四成人價$338加一就可以食足2個鐘，而且食物種類相當豐富！除咗燒肉外，仲有壽司、刺身、揚物等等，真係應有盡有！飲品方面，除咗平時放題餐廳嘅汽水同韓式飲品外，仲有啤酒供應；而且仲好貼心咁準備咗部分室溫飲品，照顧埋一班養身嘅客人！刺身方面，最有驚喜係珍寶赤蝦，足足有5-6寸長，大大隻，啖啖肉，非常滿足。燒肉呢⋯豬頸肉、骰仔豚、和牛、牛舌同雞翼都係唔錯嘅選擇；而且有幾款肉類有多種口味選擇，好啱鍾意試新嘢嘅你！不得不讚嘅係呢度嘅揚物同小炒都係即叫即做，熱辣辣好新鮮！由於食物種類太多嘅關係，我哋未能逐一去試都已經食到飽飽，就連甜品都食唔落⋯

今日放工好想食燒肉放題，諗起之前聽朋友講過呢間位於尖沙咀嘅燒魂，話佢嘅燒和牛同刺身都好食，所以就拉埋同事一齊嚟試吓。餐廳地方寬敞，枱與枱之間都有足夠嘅距離，兩個人一齊食吓嘢傾吓偈，好爽😎飲品方面都有汽水同各種飲料，在雪櫃裏任取，我怕熱氣，選了燒仙草下下火。任食嘅放題食物水準也不錯，值得推介的有：-刺身：三文魚、鮑魚片、吞拿魚，希靈魚，玉子燒，蝦等。魚生都很新鮮，三文魚厚薄適中，食落去肥美可口。-雞翼：好細心咁加工成單骨雞翼，易燒d 又好味，試左柚子同孜然雞中翼，醃料入味，沾上醬汁，燒一陣就食得👍-黑毛飛霜空降和牛、薄切牛舌燒和牛真係好正，有霜降和牛，牛裡肌，汁燒安格斯骰仔粒，薄切牛舌西等，黑毛和牛入口即溶而且牛味香濃，放題可以食到呢個級數嘅牛肉，真係難得。餐牌中都有唔少熟食料理，叫咗幾款，特別是蠔仔粥值得推介。

朋友聚會。見到餐廳除咗有自助燒肉外，仲有熱食、刺身同日式冷盤，最緊要係食物同嘢飲都係任飲任食。放題嘅食物選擇多；燒肉、刺身、燒物、一品料理、炸物、壽司、天婦羅、炒雜菜、牛油粟米、蠔仔泡飯，應有盡有。首先叫咗一份刺身，雖然可供選擇嘅刺身款式唔算多，但新鮮，而且份量十足。三文魚腩肥美，赤海蝦大隻，口感彈牙，食落去又鮮又甜。另外泰式生蝦都好出色，蝦肉結實，配埋泰式海鮮醬真係正！燒牛肉都唔錯，牛舌薄切食落有口感，黑毛和牛肉，入口香濃。豬肉都係好嘅選擇，燒豬頸肉，肉質爽嫩，入面juicy。Suprise嘅係每款肉都有唔同嘅味道選擇，例如柚子味、燒汁味或其它味等等。最後真係要試下啫啫通菜煲！通菜爽脆，保持到啫啫煲嘅風味。

今晚約咗朋友食放題成日去TST都經過見到呢間日式放題見佢其實都開咗好耐就試吓喇☺️兩小時的放題大概每人$372到店員服務態度真係好，非常貼心餐廳落單及上菜速度都好快🙂***香蔥牛舌薄切牛舌+黑毛飛霜空降和牛***肉質鮮嫩 肉味濃郁配搭上幾款不同的醬汁啱曬鍾意唔同口味嘅人牛舌永遠係無得輸🤩***雞翼（沙薑味+孜然味）熱食***石鍋香茜蠔仔粥***Presentation好正熱辣辣咁上枱至啱冬天食😬味道好香好甜刺身***三文魚+馬刀貝+希𩆜魚+原隻甜蝦+深海八爪魚***食材新鮮真係唔錯甜蝦都幾大隻同彈牙料理***海鹽枝豆+芽菜***平衡下燒肉的油膩同熱氣壽司***花之戀******蟹籽沙律***飲品選擇地方都好濶落

今晚兩個人食晚飯，好肚餓，所以揀咗燒肉放題，呢間燒肉放題好特別，除咗有生嘅食物比你自己燒之外，仲有日式刺身、壽司、泰式炒通菜、同埋蠔仔粥、碗仔翅。首先一坐低，我哋就叫咗飲品，有多款汽水、啤酒、解茶可以選擇。接着就係叫一盤雜錦刺身做前菜，有三文魚腩、牡丹蝦、吞拿魚，全部刺身都好新鮮，好夠冰凍，而且厚切，食落口好爽脆，好有口感。尤其係牡丹蝦，好巨型、好大隻，仲有蝦膏，好香滑。接着，叫咗兩款火炙刺身，細細件，易入口，好好味。跟住開始叫主菜，自己燒。先叫左幾款牛肉，有柚子汁、蕃茄汁調味，幾特別。牛肉好新鮮，肥瘦比例相當好，食入口好林、好滑。豬肉方面有一口骰仔豚，同埋腩肉，兩款都好好味，入口喺爽滑嘅，好有口感，感覺好新鮮。仲有豬大腸，燒到外脆內軟，超正。仲有原隻雞翼，好肥大，好juicy。之後燒芝士脆玉瓜、冬菇、菠蘿。菠蘿係新鮮菠蘿，唔係罐頭嘅，非常鮮甜，非常Juicy。整體上，食物好新鮮，座位又舒服，抽油煙方面做得好好，食完件衫唔會吸晒陣味。

今日同朋友喺尖沙咀行街，見到廣告餐牌有「燒肉任食放題」好豐富，所以就Walk in入去。餐廳可以無限任點任食，座位寬敞而且舒適，可以慢慢傾偈、慢慢食。呢度除咗有一般嘅日式放題嘅菜式之外，仲有燒肉，好特別。首先嚟一份刺身拼盤，可供選擇嘅刺身款式十分之多，刺身厚切，非常新鮮，而且份量十足，落單距離上菜時間好短，店員非常快手，服務非常好。燒肉食材方面都有好多選擇，其中牛肉薄切，脂肪比例均勻，肉質香滑，無筋，非常優質美味。其次就係豬頸肉，爽口彈牙，非常新鮮。配合醬汁、海鹽，自己調味，除個人喜好，彈性好大。除此之外，仲有其他熱盤，炸蝦天婦羅、炸大腸、炒雜菜、牛油粟米、酒煮蜆肉、蠔仔泡飯，全部即叫即製，新鮮熱辣，好好味。飲品提供罐裝飲品及紙包飲品可供選擇，其中有烏龍茶、檸檬茶等等，食得太飽，可以幫助消滯。

雖然成日中伏，我真係第一次寫食評主要係唔想害其他人首先，唔係用QR code落單已經勁麻煩，要填紙仔話就話放題，但係選擇唔多仲要大部份都唔好食正常少少嘅話就肉非常之薄，同爭鮮啲三文魚差唔多咁薄個蜆完全冇味喺得個雞叫做幾好食，如果你肯俾370幾淨係食雞 咁應該都幾啱你嘢飲剩係得汽水，冇甜品冇雪糕我只可以話係我成世人食過最難食嘅放題旺角求其搵間都好食過呢間返到屋企仲要屙左4次訓住覺肚痛個隻唉 唔講了 繼續踎返係廁所

Dinner at Guts Soul! This is an all you can eat restaurant with variety of food that you can get! They have the sushi, sushi rolls, which are fresh! and its already seasoned well without the needs of soy sauce or wasabi! i tried their spicy salmon, salmon sushi, and their rolls! Its also not overwhelming where it hides the taste of the sushi but just enough to get the right seasoning! Then there is also the tempura which consists of different things such as shrimp and crab stick! Both are perfec

有朋友喺外國返嚟 一大班人食嘢又唔知食咩好就諗起位於尖沙咀嘅燒魂 唔單止地理位置十分方便 食物選擇都好豐富！燒肉肉質鮮嫩多汁 非常juicy 肉味都好濃郁仲可以試吓配上唔同嘅醬汁 除左有平時好常見嘅燒肉汁之外 仲有各種唔同嘅醬汁 例如有蕃茄味 柚子味 各有特色 食落又有另一番風味！除咗燒肉之外 仲有刺身同埋壽司 全部食物都好新鮮鮮甜 唔想食咁多生冷嘢都仲有好多好高質嘅熟食同煮物 我自己就鍾意卜卜煮大蜆 蜆肉唔單止好大隻 肉質仲好爽口 大家一定要黎order試試！