麻辣香鍋

Open Now

Now Closed

旺角依間「麻辣香鍋」除咗佢哋嘅麻辣香鍋係招牌之外，金湯酸菜魚都好出名㗎，今次Order曬兩樣菜式，好滿足。*此餐廳收取加一服務費。新鮮鮑魚肥牛沙白四季豆木耳金針菇招牌香鍋（單點$262），微辣香辣，內有西芹、芫荽、香蔥、芝麻、辣椒乾、花椒；4隻新鮮鮑魚肉質彈牙，食落有鮮味；肥牛牛味濃厚，略嫌食落肉質偏向乾身、帶韌；沙白食落好新鮮，略嫌肉質偏瘦；四季豆食落好惹味；木耳口感爽口，略嫌可以剪得細塊少少，食用嘅時候就更加方便；金針菇口感爽脆。金湯酸菜魚（單點$188），小辣，表面鋪滿辣椒乾、花椒、芫荽、香蔥；魚片肉質嫩滑，味道鮮甜，但略嫌起骨未夠徹底，令到我食魚食到有魚骨細骨插落牙肉；酸菜份量多；牛肝菌、冬菇、白玉菇，食落好Juicy；萵筍、白蘿蔔味道清甜；紅薯粉口感煙韌，食落好吸湯；湯底味道酸辣，飲落好開胃。白飯（單點$15），食落軟硬適中。紅糖糍粑（單點$58），口感外酥脆內軟糯，食落米香味濃，配以紅糖糖漿食用，味道香甜。凍檸茶（單點$18），走甜，茶味濃香，飲落好清爽。麻辣香鍋旺角分店地址：旺角砵蘭街198號地鋪電話：90359755