花漾

Open Now

Now Closed

參峇蟹肉 炸饅頭蟹肉加上參峇醬，好特別！味道鮮美，同炸饅頭好夾，沾上醬汁，外酥內軟，有鹹香。海南雞飯拼喇沙米線兩者都係新加坡經典菜品，黃澄澄嘅雞肉都幾嫩滑，無雪味。有三款醬汁，甜豉油、辣醬、薑蓉都有。喇沙湯由椰漿、香料和辣椒製成，湯汁超濃郁，配上粗條米線，好惹味！呢份餐份量豐富，都夠兩個人食。參峇醬燒豬頸肉燒過嘅豬頸肉反而減少咗油膩，沾上辣辣地嘅參峇醬，入口爽滑，唔錯！另外，我哋order咗甜品恐龍蛋兩球波波係奶茶雪糕和椰子雪糕，個人覺得椰子雪糕更加香濃，奶茶雪糕則偏甜奶味不多。