Video
Read full review
2024-02-06
84 views
《丸目背脂煮干》🔆 旺角 - 5/2/2024🔆 東京新潟縣「燕三条系」拉麵🔆 主打「背脂煮干」湯底，一種加入豚脂同小魚乾一齊長時間熬煮嘅特色湯頭。〰️〰️〰️〰️🍜 特製背脂煮干拉麵 $78▪️麵方面用咗寬扁麵，麵質好實在咬感十足，唔會好吸湯好易腍，係一種好老實做好自己本份嘅麵，同呢個有個性嘅湯頭幾夾！▪️ 深啡色嘅湯頭同碎嘅背脂粒融為一體，入口醬油味行先，細味間有隱約肉嘅香甜味。無對比之下我講唔出有無「煮干」嘅鹹鮮味，可以講嘅係湯底有種焦化嘅風味，口味重而不鹹，加上生洋蔥碎呢個神來之筆，清爽嘅口感輕鬆解膩！我個朋友最後全清咗個湯，大癲！味蕾成就 +1！▪️ 配料有灸燒豬腩肉叉燒 x 1 同 豬梅頭肉 x 1。豬腩肉叉燒表面灸燒過，肉質唔乾唔硬可以輕鬆解體，有油嘅甘香，有梅納反應過後嘅焦豚香。豬梅頭味道上係純粹豚嘅肉香，瘦得嚟肉質粉嫩軟腍，幾好食！▪️ Default跟一隻半熟蛋切開上，蛋黃流心度極高，醬漬色深入蛋白外層，而係呢種甘重口味嘅湯底下，醬漬味唔係好食得出，但仲食到啲蛋香，算係甘。〰️〰️〰️〰️ 💸 埋單 $78，加一❌️▪️ 「背脂煮干」初體驗。可以話係唔放入口都唔會聯想到嘅味道，不妨一試。你以為
🔆 旺角 - 5/2/2024
🔆 東京新潟縣「燕三条系」拉麵
🔆 主打「背脂煮干」湯底，一種加入豚脂同小魚乾一齊長時間熬煮嘅特色湯頭。
〰️〰️〰️〰️
🍜 特製背脂煮干拉麵 $78
▪️麵方面用咗寬扁麵，麵質好實在咬感十足，唔會好吸湯好易腍，係一種好老實做好自己本份嘅麵，同呢個有個性嘅湯頭幾夾！
▪️ 深啡色嘅湯頭同碎嘅背脂粒融為一體，入口醬油味行先，細味間有隱約肉嘅香甜味。無對比之下我講唔出有無「煮干」嘅鹹鮮味，可以講嘅係湯底有種焦化嘅風味，口味重而不鹹，加上生洋蔥碎呢個神來之筆，清爽嘅口感輕鬆解膩！我個朋友最後全清咗個湯，大癲！味蕾成就 +1！
▪️ 配料有灸燒豬腩肉叉燒 x 1 同 豬梅頭肉 x 1。豬腩肉叉燒表面灸燒過，肉質唔乾唔硬可以輕鬆解體，有油嘅甘香，有梅納反應過後嘅焦豚香。豬梅頭味道上係純粹豚嘅肉香，瘦得嚟肉質粉嫩軟腍，幾好食！
▪️ Default跟一隻半熟蛋切開上，蛋黃流心度極高，醬漬色深入蛋白外層，而係呢種甘重口味嘅湯底下，醬漬味唔係好食得出，但仲食到啲蛋香，算係甘。〰️〰️〰️〰️
💸 埋單 $78，加一❌️▪️ 「背脂煮干」初體驗。可以話係唔放入口都唔會聯想到嘅味道，不妨一試。你以為「背脂煮干」係男人專屬嘅浪漫？今日我就見到有兩台女仔客，拉麵無分國界性別！
Post
