阿鴻小吃 (Moved) New Location

之前嚟嗰幾次都係兩個人，今次可以四個人嚟，可以嗌多啲唔同嘅餸，但係有幾樣必吃嘅，都有重複再嗌，水準一致性，唔會有咩偏差，不過今日四人飯娶重開，食客多咗，見服務員都好忙，服務有啲趕，不過都可以接受，點左嘅菜質素滿意，味道和份量都取得平衡，唯一個撈麵一送到黎都已經差唔多凍哂，唔知係咪撈上去嘅醬汁冇加熱過。見到大廚喺餐廳裏面行嚟行去，相信係觀察下市場嘅反應，仲親自幫顧客斟茶，見得出呢間細小嘅餐廳嘅經營手法細心嚴謹，希望佢將來有更多嘅新菜式可以選擇。