霸嗎拉麵 (德己立街)

Open Now

Now Closed

第一次食呢間拉麵，星期六夜晚黎，成間店都幾吉，得3台客，可以隨便坐，於是我地叫左一個雞白湯拉麵，一個石鍋豚肉飯，免加一，埋單$150左右，但座位都幾唔舒服，d凳好矮，椅背又低，所以食完就想走。拉麵碗唔太大，湯還可以，偏鹹，飲完會口渴，拉麵正常，叉燒有驚喜，好厚身，有兩大塊，好似食緊雞板咁，好有口感。呢個石鍋飯一黎到既時候，熱到za za 聲，所以整到有飯焦係底，但食落去就失望，豚肉比較肥，蛋冇味，飯好硬身，成個石鍋飯都好乾，又冇汁，搞到冇咩食慾。整體來講，我覺得呢個價值可以有其他選擇，其他拉麵既雞白湯仲好食，所以下次應該唔會再幫襯。