十兄弟車仔麵 (Closed)

隔一排冇食車仔麵就會心思思想食😌 而灣仔春園街嘅十兄弟車仔麵就係其中一間我覺得好食嘅麵店，無論咩時間都幾乎滿坐，好受歡迎👏 除咗環境乾淨企理外，老闆娘又nice, 仲要係QR Code落單，簡直係快靚正👍🌟招牌八寶麵 $55 （菜底）呢個係preset咗嘅，有齊我最愛嘅餸🤩 牛坑腩、大腸、豬紅、蘿蔔、魚旦、豬皮、粟米、雲耳🤩 全部都好入味，最正係辣度、湯底、蔥等等配料都可以自由選擇。佢個秘製香辣汁真係超正，食得辣嘅朋友可以試吓中或者大辣，勁香勁過癮🤩 可以揀坐低簡直係減肥人士嘅福音😆😆🌟蔥油紅腸豬扒撈公仔麵呢個份量真係勁足😎豬扒勁大塊，煎香咗嘅豬扒肉質好嫩，好好食😋 紅腸都好正👍 最正係個蔥油真係勁香，撈埋公仔麵一齊食又邪惡又滿足😆🌟炸雲吞半份 $20呢個又係必食，跟餐加$20有三大粒，雲吞炸到脆卜卜，個餡都好味😋