Video
Read full review
2022-10-09
603 views
聽聞呢度的牛角包幾出名，不過今次冇機會試牛角包，反而係入咗舖頭食下午茶。下午茶指定每人最低消費$100。一個人嚟食，如果係諗住點一件蛋糕同一件飲品的話，就可能唔夠數，因為熱咖啡~$45，而切餅就$40-50/件，如果多人的話，有1、2個人點花茶（$58），咁拉勻消費額就比較容易達標。我同朋友都未試過呢度的餅，今次每人揀咗1款，share嚟食。我們點咗：(真實個名唔係好記得)橙味海綿蛋糕、車厘子開心果切餅，伯爵朱古力慕絲蛋糕同埋米蘭芝士餅。呢度的切餅幾大件，其他就相對細小小。車厘子開心果切餅可以話係4款之中最有特色的一款，而朋友亦覺得呢款係最好食。車厘子有香濃的酒味，而開心果味就比較清淡。件餅的質感軟滑，雖然大件，但食完唔會覺得漏。如果喺蛋糕店食餅的話，有時可以點下啲未試過的，好似呢款咁，可能會有驚喜！值得一試。橙味海綿蛋糕，講真賣相好一般，有少少似美心的平價蛋糕，加上我唔太鐘意海棉蛋糕，所以點之前係冇期望既。不過，到真係食的時候，我覺得佢橙味好重，配搭海綿蛋糕又幾清新，另外，海綿蛋糕唔算係heavy的pastry，所以都唔錯。伯爵朱古力慕絲蛋糕我覺得不過不失，朱古力味算濃，伯爵茶味就唔
我同朋友都未試過呢度的餅，今次每人揀咗1款，share嚟食。我們點咗：(真實個名唔係好記得)橙味海綿蛋糕、車厘子開心果切餅，伯爵朱古力慕絲蛋糕同埋米蘭芝士餅。呢度的切餅幾大件，其他就相對細小小。
車厘子開心果切餅可以話係4款之中最有特色的一款，而朋友亦覺得呢款係最好食。車厘子有香濃的酒味，而開心果味就比較清淡。件餅的質感軟滑，雖然大件，但食完唔會覺得漏。如果喺蛋糕店食餅的話，有時可以點下啲未試過的，好似呢款咁，可能會有驚喜！值得一試。
橙味海綿蛋糕，講真賣相好一般，有少少似美心的平價蛋糕，加上我唔太鐘意海棉蛋糕，所以點之前係冇期望既。不過，到真係食的時候，我覺得佢橙味好重，配搭海綿蛋糕又幾清新，另外，海綿蛋糕唔算係heavy的pastry，所以都唔錯。
伯爵朱古力慕絲蛋糕我覺得不過不失，朱古力味算濃，伯爵茶味就唔太突出。朱古力呢個食材係好難整得難食既，所以，整體嚟講，我覺得係一食無妨，佢唔會令人失望，但又唔會話係未食過咁好食…
米蘭芝士餅真係好令人失望！！首先，我同朋友基本上係衝住呢個芝士餅先決定入舖頭食下午茶。一般蛋糕店的芝士餅好難係唔好食，不過呢度的芝士餅係冇乜芝士味，而且幾個朋友食完都不約而同話佢有啲顆粒，唔滑。呢個芝士餅係凍芝士餅，即係將材料抣勻後雪凍食，所以朋友提到的質感會唔會係攪拌時出問題，整得唔夠細滑？如果連凍芝士餅都整得唔好食，都幾離譜下。我食果時冇太注意顆粒問題，反而係覺得佢的芝士味太淡。事後我諗，係咪「米蘭」風味就係咁？可能因為我食開紐約芝士餅，可能兩者有唔同？稍後我會了解下。不過，即然味道真係唔係我哋杯茶，所以就算有機會再嚟，亦唔會再點呢款芝士餅。
飲品我哋點咗3款，有朱古力咖啡、藍花茶同埋特濃朱古力。朱古力咖啡價錢最低，性價比相對高，因為除咗係幾大杯外，仲會附送1個迷你撻。只係呢間舖頭的迷你撻，撻皮有啲淋，饀料亦略甜，所以如果係點甜品的話，我提議唔好揀撻。藍花茶係朋友點，佢話：「都係茶，無乜特別。」至於我杯特濃朱古力，好細杯(無影相)，裝唔滿，有1/3係奶泡同朱古力薄片，雖然朱古力幾好飲，但坦白講，佢唔係特濃，而且大啖啲的話，3啖應該飲曬，所以呢杯飲品，絕對唔足以用嚟「送」餅。
今次嚟呢度，心態都只係試下，咁一試無妨，餐廳收$100/位亦唔算係貴，當係見識過，不過就帶留唔低一個深刻的印象。
Post
