Video
Read full review
2023-07-24
391 views
見有日本過江龍到港🥰，賣點係“一丼二食”見唔使排隊即管去試下。餐牌得4款揀，啱曬有選擇困難症嘅人😆😆門面同環境都好簡約日本Feel，感覺都舒服。揀咗「松」丼$238試下，上菜速度快可能係得4～5張枱客關係😅。餐匙羹幾靚，有日本高級餐廳感覺（加分👍），前菜有一小碟昆布醃漬嘅薑，有別於一般壽司薑 (加分👍👍) ，上菜前會比一碟4片嘅油甘魚，侍應（瘦瘦嘅男仔）會教你點樣食個丼先係最好，佢講解得都好溫柔算細心（再加分👍👍👍）食到1／3左右就可以搵佢哋幫手加湯（二食）。丼上面全部都係各類魚蓉／刺身再配上兩舊海膽，賣相都👌不過不失。第一啖當然係食海膽先啦，顏色係偏深色嘅海膽，唔係好甜但可接受👌。魚係食得出算新鮮，不過個人認為，各類魚都唔係好大舊，似魚蓉口感，所以食唔出各種魚嘅獨特味道，唔係「嘩，好好味，好新鮮呀…！」果隻感覺😅😅。食到差不多叫個哥哥仔幫手加湯，佢會拎走個碗加湯，返嚟會加啲三葉芹再即場磨柚子🍋皮落個碗度，磨果時已經聞到好香🍋味（個人好鐘意柚子）所以即刻又加分😂😂（👍👍👍👍）啖湯係鯛魚高湯，加埋兩片食淨嘅油甘魚同有剩嘅魚蓉，二食反而好食過一食😋😋。後記：服務除咗個哥哥仔比較細心外，另外
揀咗「松」丼$238試下，上菜速度快可能係得4～5張枱客關係😅。
餐匙羹幾靚，有日本高級餐廳感覺（加分👍），前菜有一小碟昆布醃漬嘅薑，有別於一般壽司薑 (加分👍👍) ，上菜前會比一碟4片嘅油甘魚，侍應（瘦瘦嘅男仔）會教你點樣食個丼先係最好，佢講解得都好溫柔算細心（再加分👍👍👍）食到1／3左右就可以搵佢哋幫手加湯（二食）。
丼上面全部都係各類魚蓉／刺身再配上兩舊海膽，賣相都👌不過不失。第一啖當然係食海膽先啦，顏色係偏深色嘅海膽，唔係好甜但可接受👌。魚係食得出算新鮮，不過個人認為，各類魚都唔係好大舊，似魚蓉口感，所以食唔出各種魚嘅獨特味道，唔係「嘩，好好味，好新鮮呀…！」果隻感覺😅😅。
食到差不多叫個哥哥仔幫手加湯，佢會拎走個碗加湯，返嚟會加啲三葉芹再即場磨柚子🍋皮落個碗度，磨果時已經聞到好香🍋味（個人好鐘意柚子）所以即刻又加分😂😂（👍👍👍👍）啖湯係鯛魚高湯，加埋兩片食淨嘅油甘魚同有剩嘅魚蓉，二食反而好食過一食😋😋。
後記：服務除咗個哥哥仔比較細心外，另外兩位姐姐仔每人叫咗一次斟黑豆茶，轉頭都唔見人（當時都係得4枱客，可能新開未適應工作環境。。😅）再叫個哥哥仔佢都係唔記得，不過再叫佢都講唔好意思👍
另外可以加湯時，可以免費要求加飯，不過只係三啖左右份量😅😅
總結：如果呢個價錢／質素，唔使排隊試吓無防，但未必會特登再嚟食。食物／環境都算係中上嘅評分，未算非常特出。
Post