Video
Read full review
2024-04-27
98 views
我嘅好朋友終於都坐完月出關啦，咁耐冇見一定要帶佢食餐好啦，我哋兩個都係海鮮，所以揀咗呢間龍蝦為主題嘅中菜。作為新媽媽梗係要嗌啲湯俾佢補下身，揀咗呢個椰子雞湯，真係好足料。佢係原個椰皇再加入雞同瘦肉去煲，個湯真係超清甜，佢話好味到連啲湯渣都食晒。我自己就揀咗個酸辣海鮮羹，佢將平時嘅酸辣湯同海鮮完美融合。辣得來又唔會掩蓋海鮮本身嘅鮮甜味。因為佢啲蝦仁同埋鮮瑤柱都真係好新鮮，超鍾意佢呢個湯。前菜我哋揀咗佢個招牌撈汁小海鮮。呢個海鮮都唔少。分別有鮑魚墨魚象拔蚌仔，然後仲有啲蓮藕同埋青瓜墊底，加埋佢少少辣汁，又係好開胃。最重要係佢嗰隻鮑魚真係超厚肉，勁滿足。然後叫咗個意大利黑醋骨，同普通糖醋骨唔同，佢呢個冇咁甜，酸酸微微又好開胃。最重要係佢啲肉都夠晒腍同入味，係唔錯。然後叫咗個鍋蛋牛鬆焗菠菜，一嚟到個樣貌好特別，亦都唔係10分討好。但係你撈勻之後又好好食。因為佢上面啲肉醬全部都係牛肉，再加埋啲菠菜都炆得幾腍，呢一個餸營養豐富完全係補鐵質，而且個份量都幾多下。跟住呢個芝麻吊燒雞就真係不得了，暫時係我食過最好食嘅脆皮雞。呢一個餸一定要趁熱食，因為佢個皮真係好薄好脆。然後佢啲肉又超級嫩滑，加埋佢啲芝麻
作為新媽媽梗係要嗌啲湯俾佢補下身，揀咗呢個椰子雞湯，真係好足料。佢係原個椰皇再加入雞同瘦肉去煲，個湯真係超清甜，佢話好味到連啲湯渣都食晒。
我自己就揀咗個酸辣海鮮羹，佢將平時嘅酸辣湯同海鮮完美融合。辣得來又唔會掩蓋海鮮本身嘅鮮甜味。因為佢啲蝦仁同埋鮮瑤柱都真係好新鮮，超鍾意佢呢個湯。
前菜我哋揀咗佢個招牌撈汁小海鮮。呢個海鮮都唔少。分別有鮑魚墨魚象拔蚌仔，然後仲有啲蓮藕同埋青瓜墊底，加埋佢少少辣汁，又係好開胃。
最重要係佢嗰隻鮑魚真係超厚肉，勁滿足。
然後叫咗個意大利黑醋骨，同普通糖醋骨唔同，佢呢個冇咁甜，酸酸微微又好開胃。最重要係佢啲肉都夠晒腍同入味，係唔錯。
然後叫咗個鍋蛋牛鬆焗菠菜，一嚟到個樣貌好特別，亦都唔係10分討好。但係你撈勻之後又好好食。
因為佢上面啲肉醬全部都係牛肉，再加埋啲菠菜都炆得幾腍，呢一個餸營養豐富完全係補鐵質，而且個份量都幾多下。
跟住呢個芝麻吊燒雞就真係不得了，暫時係我食過最好食嘅脆皮雞。呢一個餸一定要趁熱食，因為佢個皮真係好薄好脆。
然後佢啲肉又超級嫩滑，加埋佢啲芝麻嘅香味，真係一試難忘。
最後叫咗個龍蝦湯海鮮泡飯。佢有好多海鮮有青口鮑魚鮮蝦同埋主角龍蝦。全部都好新鮮彈牙。
平時龍蝦湯至西餐廳度食度，今次嚟過中西合璧變咗泡飯。又真係幾好食個喎。
呢一餐我哋久別重逢，仲要啲嘢食咁好食，真係值得好好紀念下，絕對可以一試再試。
Post
