金山粥店

Open Now

Now Closed

今日去咗西貢村內一間“金山粥店”食嘢，上次發現呢間店時，因太爆棚，所以冇試。今次去到好彩剛有位，坐低叫碗魚片豬肚粥，都只係HKD 23(全店粥品最貴都係23蚊),再叫豬潤腸粉HKD 1 8,仲要係即叫即做，個粥底好綿好滑，魚片非常新鮮且带甜，豬肚弹牙👍，而豬潤腸更加唔駛講，新鮮好味。今次好可惜一個人去，唔可以食多幾樣，下次叫多幾個朋友去食，那裏最好的是有些東西可以叫半份，例如炸一(即係半份炸両),最難得係雖然店小，得四張枱，但堂食和外賣都非常繁忙，只有3人包辦，他們非常敬業樂業，對客態度超好，笑容滿面，有傾有講，絕對有交流，是現下香港難得的小店，令我也忍不住第一次在此執筆向各位推介一下。