Video
Read full review
2021-12-19
1471 views
好掂喎!話說”諗”咗呢餐西貢海鮮一段時間. 睇完各餐廳嘅食評根本落唔到手. 飯局前一日師姐話佢幫襯開勝記. 仲可以幫我哋安排菜單. 安落晒.睇完張菜單, 真係挑戰我嘅價值觀. 之後再講...餐廳坐得舒服, 烹調技術一流. 海鮮高質. 服務周到. 價錢OK喎 (!)循例參觀下金魚缸. 扮揀下海鮮.第一味: 炸豆腐. 外脆內軟. 椒鹽味啱啱好. 必點.豉椒炒蟶子. 一流嘅豉椒味烹調. 唔會好濕或者杰撻撻. 蟶子夠大隻. 肉質超爽口.椒鹽鮑魚. 椒鹽? 果然大開眼界. 椒鹽俾到味, 但又唔會搶咗鮑魚嘅鮮味. 肉質有嚼口但唔會靭. 超讚!豉油王煎蝦. 中蝦. 都夠大隻. 佢支豉油好掂. 好香好入味. 除咗蝦殼, 蝦肉都沾到豉油味. 椒鹽瀨尿蝦. 我自己應該唔會點. 一係好貴, 一係將貨就價. 講番食物, 椒鹽夠晒味, 瀨尿蝦亦夠份量, 肉質好滑.芝士龍蝦配煎米粉. 好多餐廳都會俾芝士搶哂龍蝦味. 呢度又冇喎. 芝士汁幾簿. 啱啱好. 龍蝦夠肉. 爽口. 神級煎米粉底. 好夾芝士汁. 香脆.咕嚕肉. 出面太多餐廳做咕嚕肉都好出色. 呢味菜相比海鮮遜色. 當然都好好食.勝記至尊炒飯. 好味. 乾身
話說”諗”咗呢餐西貢海鮮一段時間. 睇完各餐廳嘅食評根本落唔到手. 飯局前一日師姐話佢幫襯開勝記. 仲可以幫我哋安排菜單. 安落晒.
睇完張菜單, 真係挑戰我嘅價值觀. 之後再講...
餐廳坐得舒服, 烹調技術一流. 海鮮高質. 服務周到. 價錢OK喎 (!)
循例參觀下金魚缸. 扮揀下海鮮.
第一味: 炸豆腐. 外脆內軟. 椒鹽味啱啱好. 必點.
豉椒炒蟶子. 一流嘅豉椒味烹調. 唔會好濕或者杰撻撻. 蟶子夠大隻. 肉質超爽口.
椒鹽鮑魚. 椒鹽? 果然大開眼界. 椒鹽俾到味, 但又唔會搶咗鮑魚嘅鮮味. 肉質有嚼口但唔會靭. 超讚!
豉油王煎蝦. 中蝦. 都夠大隻. 佢支豉油好掂. 好香好入味. 除咗蝦殼, 蝦肉都沾到豉油味.
椒鹽瀨尿蝦. 我自己應該唔會點. 一係好貴, 一係將貨就價. 講番食物, 椒鹽夠晒味, 瀨尿蝦亦夠份量, 肉質好滑.
芝士龍蝦配煎米粉. 好多餐廳都會俾芝士搶哂龍蝦味. 呢度又冇喎. 芝士汁幾簿. 啱啱好. 龍蝦夠肉. 爽口. 神級煎米粉底. 好夾芝士汁. 香脆.
咕嚕肉. 出面太多餐廳做咕嚕肉都好出色. 呢味菜相比海鮮遜色. 當然都好好食.
勝記至尊炒飯. 好味. 乾身.
上湯浸菜芯. 我仲以為求其一條菜. 菜芯好嫩. 而且入晒上湯味.
甜品特別. 有桂花糕. 柚子糕. 益力多糕.
一路食一路讚. 一路食一路擔心以後食唔番. 再睇埋張單. 當然唔係話好平, 但係Ok喎. 一定會再嚟. 希望到時再食番呢個超水準.
Post
