禧華餐廳

Open Now

Now Closed

差唔多每星期放假都會買呢間餐廳，好鍾意呢間餐廳係好有心做飲食，唔係求求其其整啲野食出黎賺錢。例如蛋包飯，會配自製沙律菜、沙律醬，份量亦都夠大，一個女仔基本上係食唔曬。仲會免費送中湯/西湯， 好似仲有得揀白湯紅湯（只嗌過一次西湯所以唔太記得），一間餐廳開業已經準備三種湯任揀，足以證明佢地嘅信心同用心。今日又食左撈丁，撈丁亦都有配啲冷茶送麵，唔係得個麵咁單調。餐具方面，筷子、匙羹、飲筒全部都係獨立包裝，篤檸檬支棍都係硬淨大支好用。除左用心之外，野食都係好食，而且選擇好多，一般茶記嘅菜單、頹飯菜單、日式少少嘅都有，黎緊會再試多啲唔同種類。