風花雪月 (Closed)

第一天：品花收風記週六午後同靚靚媽咪落咗街散步，行經皇后大道東時，發現「風花雪月」o既小亭門牌 。上前探究，拿起單張，先知此幢合共三層高o既餐廳原來以日本料理作基礎，開設出三間唔同主題o既餐室：一樓為日式西餐廳及甜品店；二樓主理鐵板燒；三樓則為壽司屋。XO仔天性八掛，見有新店上場，就即刻捉住媽咪一齊上去一樓，睇吓有冇下午茶食，順便打聽一番 。步出升降機門，即見食店弧形o既間隔，光鮮新潮中不失雅致。中央位置有張吧枱，貼窗則排出一列透著陽光o既二人散座，感覺最為輕鬆自在。 內側仲有兩間私人廂房，冇人訂房時就會變做散枱。年輕貌美o既服務生親切友善，呈上餐牌時亦不忘推介特式花茶及甜品。兩口子應推介，各自點咗壺花茶，然後再叫咗兩款甜品黎分。Rooibos Pure Natural Organic（$42/壺）：紅色o既有機洛神花茶透澈鮮美，淨飲已夠芳香怡神，再加入少量另上o既玫瑰花露，當堂好似畫龍點睛咁 ，增添清甜o既同時，香氣更通往鼻腔，清新尤甚。杏仁蛋糕配芝麻雪糕（$65）：黑碟上o既甜品繪圖立體得黎好圓滑。淺啡色o既杏仁蛋糕質感就好似瑪德琳蛋糕咁，糕身厚而軟，外皮乾身但帶點煙韌，