Video
Read full review
2022-06-22
1202 views
三訪！餐廳裝修走日本風，每個角落都佈滿居酒屋嘅元素，燈光柔和，天花懸掛一個個燈籠。估唔到平日夜晚都差唔多滿座，所以有興趣嘅朋友記住提早訂枱！▪️活貝盛合 $428第三次嚟都係忍唔住嗌返呢款活貝組合！貪佢可以一次過食到多款生猛海鮮！熱鍋上嘅鮑魚都在舞動呢~牡蠣超肥美！記得上次食爽脆軟滑兼備！而今次就偏軟滑，同樣超多汁呀！蜆肉鮮甜爽彈，更帶酒香。鮑魚質地爽彈帶焦香，有咬口之餘唔會太韌。帆立貝今次稍微燒得過熟，鞋左少少。▪️松葉蟹海膽釜飯 $238釜飯上枱後，要燒多二十分鐘先食得~ 一打開蓋就見到滿滿嘅海膽、松葉蟹肉、蝦米。為咗保持鮮味，餐廳只係加左好少調味。飯粒彈牙有咬口，味道比想像中淡得多，只有淡淡嘅蟹鮮同飯焦香。店員就推介：如果覺得太淡味嘅話，就可以撈埋甲羅燒一齊食~ 撈完即刻濃味好多，不過就會稍微蓋過蟹肉鮮味。▪️南瀛卷 $298招牌南瀛卷有齊吞拿魚蓉、海膽、三文魚子同蝦，鋪係卷物表面~ 每一款都幾新鮮，特別係馬糞海膽！超鮮甜軟滑，完全唔苦唔腥。而底下嘅卷物就好似有啲天婦羅脆脆，但調味偏淡，需要配搭鹹香三文魚子或其他刺身一齊食。整體味道唔錯，略嫌份量偏少左啲。▪️蟹味噌甲羅燒 $78甲羅燒
▪️活貝盛合 $428
第三次嚟都係忍唔住嗌返呢款活貝組合！貪佢可以一次過食到多款生猛海鮮！熱鍋上嘅鮑魚都在舞動呢~
牡蠣超肥美！記得上次食爽脆軟滑兼備！而今次就偏軟滑，同樣超多汁呀！
蜆肉鮮甜爽彈，更帶酒香。
鮑魚質地爽彈帶焦香，有咬口之餘唔會太韌。
帆立貝今次稍微燒得過熟，鞋左少少。
▪️松葉蟹海膽釜飯 $238
釜飯上枱後，要燒多二十分鐘先食得~ 一打開蓋就見到滿滿嘅海膽、松葉蟹肉、蝦米。
為咗保持鮮味，餐廳只係加左好少調味。飯粒彈牙有咬口，味道比想像中淡得多，只有淡淡嘅蟹鮮同飯焦香。店員就推介：如果覺得太淡味嘅話，就可以撈埋甲羅燒一齊食~ 撈完即刻濃味好多，不過就會稍微蓋過蟹肉鮮味。
▪️南瀛卷 $298
招牌南瀛卷有齊吞拿魚蓉、海膽、三文魚子同蝦，鋪係卷物表面~ 每一款都幾新鮮，特別係馬糞海膽！超鮮甜軟滑，完全唔苦唔腥。而底下嘅卷物就好似有啲天婦羅脆脆，但調味偏淡，需要配搭鹹香三文魚子或其他刺身一齊食。整體味道唔錯，略嫌份量偏少左啲。
▪️蟹味噌甲羅燒 $78
甲羅燒 由蟹肉、蟹籽、蟹膏、鵪鶉蛋、蔥組成。經店員拌勻後，質地軟綿，蟹味濃郁，鹹度剛好。絲絲蟹肉、粒粒蟹籽，口感毫不單調。每一口都品嚐得到蟹的鮮味
▪️日式炸雞 $88
唐揚炸雞新鮮炸起，一咬開冒出陣陣白煙，大家小心辣親呀。 炸雞外皮超脆唔油膩 ，炸皮唔會太厚。肉汁成功被鎖住，非常嫩滑多汁，仲有啲肥膏位。整體而言，三訪南瀛水產，活貝盛合、蟹味噌甲羅燒、日式炸雞 依然無令我失望。價錢唔平，但一分錢一分貨，偶爾黎獎勵下自己都唔錯！上次食過和牛粒炒飯都好正！
Post
