唐閣

呢間中菜，十分之有水準，我推薦大家一定要食嘅中餐叉燒同鱈魚，叉燒嘅肥瘦剛剛好，而且滿滿嘅蜜汁，又唔會太甜，而且外邊有點脆，食落去口感豐富啱啱好，實在係大滿足，而且肉嘅鮮味，同油膩喺個口腔裏面混合，真係一定要試呢個招牌叉燒。仲有鮑魚花膠雞粒酥，鮑魚軟腍腍，好有鮮味，再配合佢個酥皮，又夠熱，簡直就係精彩難忘。和牛酥餅，鹹水角，鹹水角一定係用新鮮油炸，外脆內軟，而且又夠熱，新鮮炸起，實在太好食啦，仲有個帶子腸粉，豉油味十足，應該係用秘製嘅醬汁調製而成，帶子係新鮮嘅帶子，非常之有鮮帶子味，三星級嘅米芝蓮，果然係名不虛傳。等等嘅點心，都非常之好食。服務非常之好，有禮貌，又有耐心，交通非常之方便，喺地鐵站旁邊。