三門仔漁港 (Closed)

週日一行十人征服完三門仔及馬屎州行山徑後,大家便在三門仔的唯一食市渡過我們的午餐,這裡環境尚算不錯,有户外及室內位置,天氣涼快時户外望住山嶺和個海真係好正,不過當日户外已冇位,所以唯有坐室內,另外個廁所真係要讚一讚,尚算乾淨企理,d水仲好鬼冰涼,唔知係咪大家運動完,所以覺得好鬼正!!打開餐牌,發覺d價錢唔算平,大部份以海鮮為主,小菜唔係好多款,但大部份都要七八十元,小食也要四五十元,海鮮大部份都以兩計算,最後我地一共點了六味菜,包括:豉椒炒蜆($48),味道略鹹,d蜆肉又少扇貝($18隻),本來扇貝幾好味,裏面仲有d菇,但佢個蠔油汁過濃有點鹹,結果浪費了扇貝的鮮味炸子雞,d皮好脆雞肉亦不算太肥.而且仲有薯片食蒜蓉炒油麥菜,d菜炒到好鬼油,好似d油唔駛錢咁三門仔炒飯,裏面冇咩料,只係得蟹子,蛋,芥蘭,葱,三文魚碎(d朋友話有但我食唔倒),不過勝在炒得乾身唔油墨魚汁炒飯,呢個飯用咗墨魚汁去炒,但食完唔知有咩特別,碟飯除了是黑色外,裏面d料同上面差不多,只不過由三文魚碎改為墨魚碎及冇芥蘭,但加了幾片士多啤梨服務員尚算殷勤,招呼不錯,而且仲主動查詢剛才的食品有沒有需要改善的地方,實在值得一讚,