上海佬蟹莊 (Closed)

之前喺Facebook見到有餐廳做上海菜放題，覺得幾新穎，因為我個人幾鍾意食小籠包。，所以有得任食小籠包，即刻心心眼。上海佬蟹莊位於灣仔，我地有預先book左枱，因為佢都幾full，九月book嘅時候已經等到十月，同埋呢個放題只係限星期六日。餐廳門面以紅黑做主調，樓上係唱K嘅Red Mr，所以唔知點解一入依間餐廳，我聞到好K房嘅味道。款式方面餐前小碟丶主菜丶飯麵丶甜品丶點心丶蔬菜都各有幾款嘅選擇。講返食物味道，我期待已久嘅小籠包，非常非常失望，因為佢個小籠包寫就寫係灌湯小籠包，但係小籠包入面竟然可以一滴湯都冇，而皮又厚，乾爭爭嘅小籠包真係唔好味。比較好味嘅係我覺得炸銀絲卷，真係熱辣辣即炸，外皮脆脆地好香口，點煉奶一流。其餘嘅食物就一般般而已。環境氣氛： ★★★☆☆食物質素： ★★☆☆☆服務態度： ★★★★☆