TABLE by Sandy Keung

Open Now

Now Closed

上環呢間Table果名夠晒特別，裝修同食物都同樣特別難忘。我地先試呢度既其中一個招牌菜Lobster Espresso🦞☕️我地今次就叫細size好啦，呢個龍蝦湯有2 層，面頭係超厚既龍蝦泡沫，下面就係濃縮既龍蝦肉湯。先唔講有一隻好厚肉既龍蝦鉗已經夠晒驚喜架啦，龍蝦鉗啲肉超鮮甜，勁新鮮！龍蝦湯仲要爆濃，飲完啲龍蝦味唔識散咁，超正！之後就係前菜South African Abalone Confit🐚呢個南非鮑魚醬先由廚師將新鮮既S.A. 鮑魚放入烤箱低溫烘烤烘大概10個鐘，再用平底鍋煎啲鮑魚煎到果邊脆晒，成隻鮑魚已經好香好嫩，再配埋特製醬汁，提升鮑魚既鮮味，正呀！跟住就係主菜之一既Hokkaido Uni Angel Hair🍝意粉用龍蝦高湯同埋海膽泥烹製，更特別係會加埋少少草莓去煮，草莓有啲水果味，味道比就咁用番茄更複雜更有層次，真係好好味呀！另一主菜就係牛扒Korean 1++ Ribeye🥩牛扒煎得岩岩好，外脆內軟，搭配暖暖地既喜馬拉雅鹽塊同埋香菜醬油醋汁沙拉，又唔會太油膩，好食呀！仲有一個菜式呀，好特別，但唔記得名啦😆不過味道好好，啲醬汁都好特別，好食。