Video
Read full review
2023-02-24
140 views
初遇早兩日入咗粉嶺名都商場搵野食，原本以為A1出口出係最快最方便，點知一出見到名都商場嘅輪椅升降台壞咗，仲要話維修無期，出咗閘嘅我好徬徨，立即去客務中心問職員問點去名都商場，佢即比單程票我，叫我搭升降機（站內往金鐘站）落地面C出口出，由地面行返對面就得。老實講全程站內無通告話比人知A1出口個輪椅升降台壞咗，港鐵最新廣告做得幾靚都無用，仲話貼心服務殘疾人士，印張通告通知輪椅人士有幾難，好似我哋生出嚟就係預咗要兜路咁，名都商場反而有張貼通告通知，真係唔知好笑定好嬲好？！兜路都兜咗接近半粒鐘，火氣未散就入咗去食台灣野，降降溫食下鍾意食嘅野先！入咗一間叫「初遇」嘅台灣菜餐廳，入面裝修好靚，主要係木系，枱與枱之間雖然逼逼地，但通道算闊落，方便輪椅人士入去食！1.慢烤雞腿蛋吐司$38＋$8黑糖珍珠奶茶（8/10）呢個慢烤雞腿蛋吐司係必食，吐司哄得外面好脆，雞腿肉質嫩滑，配埋流心蛋簡直正呀！黑糖珍珠奶茶好滑，茶味少少出又搶唔到奶茶味，唔錯！👍👍👍2. 紅燒牛肉麵 拼 古早滷肉飯$48＋$8芋香珍珠奶茶（8/10）呢個紅燒牛肉麵拼古早滷肉飯份量算多，下午茶嚟講好抵食，牛肉雖然得1舊，但夠淋，滷肉飯嘅飯
早兩日入咗粉嶺名都商場搵野食，原本以為A1出口出係最快最方便，點知一出見到名都商場嘅輪椅升降台壞咗，仲要話維修無期，出咗閘嘅我好徬徨，立即去客務中心問職員問點去名都商場，佢即比單程票我，叫我搭升降機（站內往金鐘站）落地面C出口出，由地面行返對面就得。老實講全程站內無通告話比人知A1出口個輪椅升降台壞咗，港鐵最新廣告做得幾靚都無用，仲話貼心服務殘疾人士，印張通告通知輪椅人士有幾難，好似我哋生出嚟就係預咗要兜路咁，名都商場反而有張貼通告通知，真係唔知好笑定好嬲好？！
兜路都兜咗接近半粒鐘，火氣未散就入咗去食台灣野，降降溫食下鍾意食嘅野先！
入咗一間叫「初遇」嘅台灣菜餐廳，入面裝修好靚，主要係木系，枱與枱之間雖然逼逼地，但通道算闊落，方便輪椅人士入去食！
1.慢烤雞腿蛋吐司$38＋$8黑糖珍珠奶茶（8/10）
呢個慢烤雞腿蛋吐司係必食，吐司哄得外面好脆，雞腿肉質嫩滑，配埋流心蛋簡直正呀！
黑糖珍珠奶茶好滑，茶味少少出又搶唔到奶茶味，唔錯！👍👍👍
2. 紅燒牛肉麵 拼 古早滷肉飯$48＋$8芋香珍珠奶茶（8/10）
呢個紅燒牛肉麵拼古早滷肉飯份量算多，下午茶嚟講好抵食，牛肉雖然得1舊，但夠淋，滷肉飯嘅飯似珍珠米，有咬口，滷肉算多！再加$8有埋芋香珍珠奶茶簡直超級抵食， 呢個護香珍珠奶茶有淡淡香芋味，奶同茶嘅味調得啱啱好，唔會搶到芋香味！👍👍👍
3.士林鹽酥魷魚$38（8/10）
呢個魷魚炸得好酥脆，入面熱辣辣又彈牙，一份有大約14條，份量算多，幾抵食！😋😋😋
4.紫薯拉絲起司蛋餅$39（8/10）
呢個蛋餅外面煙煙靭靭，皮又薄，紫薯蓉又多，紫薯味香濃，仲要一碟有6舊，份量算多，唔錯！👍👍👍
2人總共價錢$179
個人口味總評分：8/10
地址：粉嶺粉嶺車站路18號粉嶺名都商場2樓58號舖
#初遇 #台灣菜 #香港美食 #粉嶺美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
