初遇

Open Now

Now Closed

繼續解鎖粉嶺好嘢食，閨蜜一直好想試這間台式餐廳的小食拼盤，難得有時間就一齊去試吓。點知發現下午茶CP值勁高😍抵食又好味，忍唔住同大家分享吓。初遇小食拼盤 $88完全深得我和閨蜜的心，影相超一流😍😍。拼盤十分豐富，內有多款小食，包括鹽酥雞、牛肚、豬大 、雞卷、滷蛋、香腸、地瓜酥、脆魚塊及麻辣鴨血。賣相精美，味道好，而且可以一次過品嚐到多款特色小食，兩個人就啱晒啦，食完心情勁好。麻辣鴨血臭豆腐拌麵配紫菜貢丸湯及地瓜酥$46鴨血非常大塊，麻得爽辣。臭豆腐非常正宗，是台灣黑色的臭豆腐，臭得來有點香❤️。紫菜貢丸湯非常足料，帶點鹹香。地瓜酥炸得金黃香脆，外脆內軟，質素好高👍🏻👍🏻用這樣的價錢，能淺嘗一口，的確令人滿足。最開心是拌麵，與配菜一起伴勻，香辣濃郁，好食到停唔到口😂。紅燒牛肉麵拼古早滷肉飯 $48兩者都係我至愛，見到呢個餐立即心心眼😍。非常大碗，牛肉有兩大塊，麵條大條彈牙。滷肉飯配隻流心蛋，撈埋一齊，熱辣辣好好味😍。芋香珍珠奶茶 （跟餐+$8）芋香味濃，珍珠煙靭有口感，跟餐加$8真超值夜市鳳梨水果茶 （跟餐+$8）酸酸甜甜，清爽好味，最適合夏天這個季節。

公司附近的台灣菜館算是我長期飯堂之一天氣有點冷立即想起他們的藥膳花雕雞來一碗熱騰騰的！身體也暖和起來雞卷每口也是嫩嫩的肉手工麵口感也特別煙韌藥膳花雕湯我稍為覺得不夠熱酒的香氣也就不能帶出來有點少可惜呢同事的照燒雞腿扒滷肉飯穩打穩扎之選肉同樣是嫩嫩的雞皮烤起來加上照燒汁是特別的香滷肉肥瘦適中，份量不少特別好下飯慢烤雞腿蛋吐司同事說一試難忘烤過的厚麵包沒有人能拒絕的主食可加購飲料台式奶茶和高山烏龍冷泡茶吃飽飽，台灣料理真是世一comfort food

唔抵，非常的昂貴，手掌咁大個小食差唔多$40，1個面都係40幾蚊，小食唔抵，服務員好似大陸移民咁款態度惡劣，珍珠奶茶甜到不得了，有啲個味仲要真係好難食，冇必要食Thanks

#mochicouple_hk大圍搵食團1️⃣紅燒牛肉麵拼古早滷肉飯（$48）一次過可以吃到兩款特色的台灣美食，CP值好高！ 牛肉麵湯底濃郁，有很香濃的牛肉味，味道不會辣，而且肉質軟嫩而不失彈性。麵條則是手工製作，口感滑順，吸附了湯汁的精華！滷肉飯的滷汁醇厚，肉質肥而不膩，搭配白飯，簡直是絕配2️⃣台式香濃沙茶鍋（$98）沙茶鍋的湯底香濃，帶有淡淡的花生香和香辛料的層次感配料有娃娃菜、牛肉片、米血糕、牛丸、蜆肉、粟米、金菇、炸枝竹、鳴門卷、韭菜、花枝丸、蕃茄、青豆角好味指數:🍡🍡🍡🍡📍 香港粉嶺粉嶺車站路18號粉嶺名都商場2樓58號舖🚇 港鐵粉嶺C出口🕒 Mon-Sun : 11:00-22:00

「美麗的夢和美麗的詩一樣都是可遇而不可求的常常在最沒能料到的時刻裡出現 」席慕容的《初相遇》裡有着那麼的一句話。今次黎到粉嶺，同大家介紹一間平民台式料理 一 初遇 🌟蜜汁滷排骨滷肉飯便當套餐 $75套餐包括一個小菜、紫菜湯、滷排骨、滷肉飯蜜汁滷排骨先炸後滷，保留到脆酥口感之餘同時滷得入味，搭配台式咸甜既滷肉飯同肉鬆，份量亦相當大份扺食🤤👍🏻芋香珍奶 $+8(跟餐)標準芋香珍奶味道，珍珠口感煙煙韌韌，絕對吾輸手搖店📍初遇地址：粉嶺粉嶺車站路18號粉嶺名都商場2樓58號舖#粉嶺 #初遇 #珍奶 #滷肉飯 #滷排骨 #留港消費 #芋香珍奶 #覓食粉嶺 #食在粉嶺 #粉嶺食乜好 #為食關注組 #滷肉飯便當 #香港美食地圖 #蜜汁滷排骨滷肉飯便當 #初遇台小鍋茶飯館 #九十後行到邊食到邊

初遇 📍粉嶺粉嶺車站路18號粉嶺名都商場2樓58號舖⭐️ 初遇小食拼盤 $88好啱有選擇困難症嘅人(me)😂 可以一次過試曬9款小食又唔會太多食唔晒。有鹽酥雞，牛肚，豬大腸，雞卷，滷蛋，香腸，地瓜酥，蛋餃，麻辣鴨血我覺得個地瓜酥勁似冇紅糖嘅糍粑🤣 蛋餃同埋滷蛋都幾出色！✨重點係佢好IGable⭐️ 古早起司芋泥肉鬆蛋餅 $46裏面有滿滿嘅芝士芋泥同埋肉鬆，一啖咬落去好滿足！推薦✨⭐️芋泥芋圓鮮奶 $36多芋泥，味道唔錯，不過性價比唔高#fookdie粉嶺 #fookdiecafe #fookdie台灣菜 #粉嶺美食 #粉嶺好去處 #香港台灣菜 #fookdie試伏

當看到餐牌時一個麵一個飯的配搭以為會是迷你版的飯跟麵就點了可是餐店來了是兩個正常SIZE的飯跟麵這是有點意外的滷肉飯的肉碎偏柴但對味的滷汁平衡了那乾乾的口感滷蛋味道也很濃,可是米飯口感不是太好這裡是有點扣分紅燒牛肉麵麵沒有很彈牙尚算可以接受牛肉方面沒台式那種有脂肪的部份而且吃起來跟滷肉是同樣問題是有點柴湯底沒有太多層次感冷泡烏龍茶茶味足,可惜只是冷飲不然應該茶香更出整體來說40多元這個份量食物質素上是合符價格題外話是這家店的最出色是酸菜加了酸菜的滷肉飯及牛肉麵層次感多回一點非常建議大家一試之後我也在此店買過外賣回家吃同點這個餐份量卻比堂食少以CP值來說堂食絕對高於外賣服務態度也正常

上星期同朋友去咗粉嶺名都商場食台灣菜，揀咗呢間「初遇」，真係冇諗過會有咁驚喜嘅體驗。餐廳環境裝修得好靚，木系色調配上花鳥元素，感覺好清雅舒服，食飯嘅氛圍真係一流。我哋試咗佢哋嘅招牌小食拼盤，$88嚟講真係超抵！入面有鹽酥雞、牛肚、豬大腸、雞卷、滷蛋、香腸、地瓜酥、脆魚塊同麻辣鴨血，每款都好有特色，賣相又靚，影相打卡一流。尤其係鹽酥雞同地瓜酥，炸得金黃香脆，外脆內軟，真係一食難忘。另外，紅燒牛肉麵拼古早滷肉飯都係我至愛之一。牛肉夠大塊，炆得好淋，麵條彈牙，滷肉飯配埋流心蛋，熱辣辣好好味，滷汁甜甜地，真係送飯一流。最開心係佢哋嘅芋香珍珠奶茶，$8加落嚟，芋香味濃郁，珍珠煙靭有口感，好滿足。整體嚟講，「初遇」真係一間性價比超高嘅台灣菜餐廳，無論係食物質素定係環境都好出色。下次一定會再嚟試吓其他菜餚，推介俾大家！

今日去咗粉嶺火車站商場搵嘢食，見到有間台灣菜唔錯，咁啱有下午茶選擇，平時唔食辣嘅我都想試下去個醉雞麻辣撈麵套餐，套餐入面有：三塊醉雞卷，酒味好濃+雞卷無脂肪+啖啖肉唔算嫩滑但未到ok幾好食😌迷理貢丸紫菜湯一碗：有半粒再切開四份嘅貢丸，味道唔錯豬味好濃+紫菜份量都算多+但個湯勁鹹味，雖然鹹而家咁熱天氣飲完即刻補充體力，冬天就唔係咁好lu。🍜主角個撈麵：上面有啲滷肉碎再加伴菜半條菜個滷肉真心幾好味，個伴菜勁鹹應該係醃菜類，個麵勁麻辣但都食到少少鹵水汁。記得上次食嘅時候可以問佢攞多少少鹵水汁，畀我撈落去，咁會冇咁勁辣。😅但今次個職員話冇得畀，跟住不斷係壇個滷肉勁唔健康勁多油勁唔有益，無得畀汁你，好唔健康叫你唔好要唔好食（我個心笑左，明明好食，唔比唔緊要唔好講自己公司出品無益唔健康啦🤣）🥤餐飲叫咗倒台式奶茶：夠曬多冰，甜到啱啱好，飲到個茶底唔知花茶未定係化學劑未👀另外枱面呢仲有碗面上面嘅配菜一樽，我左右兩邊檯嘅人都勁加呢啲配菜食。總括嚟講成個餐四十幾蚊啱啱飽肚都ok嘅🤣男人食呢個下午茶就可能唔夠飽喇😅

今次嚟到初遇食下午茶餐，除咗有輕食之外，亦有啲飯麵類嘅主食，所以唔大食嘅話叫個餐當做係early dinner都得👌肉鬆榨菜蛋餅嘅餡料充足，每件都有好多肉鬆同埋榨菜喺入面，唔會話淨係得中間有餡側邊冇餡，榨菜爽口又唔太鹹，而且蛋漿鋪滿餅皮，感覺好足料！鹽酥雞滷肉飯配紫菜貢丸湯同埋台灣香腸，睇見就覺得好豐富，$48就有咁多樣野食，滷肉幾乎喺口度化開，滷汁甜甜地超好送飯，如果再多啲滷肉會更好🍚跟餐配飲品，冷泡茶都係免費嘅，至於其他台式飲品就要加錢。

都唔係第一次食，真係近屋企，今日放工行過見到又咁多人食同下午茶幾平，就諗入去試下， 個下午茶餐都幾大份同抵食！✨紅燒牛肉麵拼古早滷肉飯 跟 餐飲 $48有好大舊既半筋半肉好淋好入味， 面身好煙韌 再配埋 濃郁既湯底 👍🏻而 滷肉飯既份量好大， 滷肉配埋d醬汁撈飯一流淨係下午茶一個餐就有麵又有飯，真係好抵食✨慢煮豬軟骨滷肉飯 跟餐飲 $45豬軟骨大舊得黎炆得好軟又入味 配埋 滷肉飯 ，酸酸甜甜好開胃餐飲就叫左紅棗桂圓茶 ，可以暖胃又唔會好甜👍🏻👍🏻

今日去粉嶺探望親友，適逢下午到了名都商場的 "初遇"，吃一吃這裡的台式料理 ~餐廳裝修時尚雅致，地方都好闊落，卡座位置的牆壁設計是植物圖案，感覺置身於大自然當中，明亮舒適。初遇小食拼盤    $88第一次品嚐初遇台灣小食，拼盤有齊九款不同口味嘅食物，分別有鬆脆的鹽酥雞，牛肚煙韌，豬大腸炆至軟身，兩樣帶少少辣，好惹味，而雞卷嫩滑散發酒香味，流心嘅滷蛋，喜歡台式香腸，地瓜酥外脆內軟和脆魚塊食落好香魚味，以及滑滑嘅麻辣鴨血，一次過品嚐到台灣美味小食，味蕾大滿足！初遇紅燒半筋半肉麵    $69牛肉麵個湯看似好濃，但飲落香甜，用左多小時熬製而成，啖啖都係精華，牛筋腩比想像中仲要厚，食起嚟口感十足，肉質鮮嫩，牛筋部位炆得軟硬適中，質地好滑，麵條粗身，爽口煙韌，配搭清甜湯底，好味嘅牛肉麵必食推介。紅豆珍珠奶茶 套餐+$8 嘅紅豆珍珠奶茶，奶味香濃，珍珠食落好煙韌，帶出紅豆甜味，凍凍地唔錯呢。芋香珍珠奶茶   $28呢杯香味濃郁，帶有淡淡嘅芋頭香，珍珠彈牙有咬口，冰涼消暑。

📍初遇 呢間台灣餐廳既設計幾有特色，木系裝潢，燈光光猛💡比人一種好舒適既感覺，座位都幾寬敞！🥘麻辣什錦牛肉鍋（小辣）$118呢個牛肉鍋賣相好唔錯，配料相當豐富！分別有娃娃菜、牛肉片、豬肉水餃、花枝丸、鴨血、沙白、米血糕、大腸、韭菜、金菇、炸枝竹、鳴門卷同青豆角，每樣都大概有兩至三件，兩個人食絕對夠！配埋辣醬俾你自己加～食落沙白好唔錯，完全冇沙！另外加咗寬條薯粉，好索湯汁😌🧀起司肉鬆蛋餅 $42蛋餅真係唔係間間餐廳都食到，呢間既蛋餅好有台灣風味，特別係肉鬆既份量多到不得了🤤每一啖都食到，真係好加分✨特登試加左芝士既蛋餅，有做到拉絲既效果😎芝士味道唔會好咸🐟墾丁脆魚塊（5件）呢個值得一叫，脆魚塊炸到外脆內軟，絕對係即叫即炸！每嚿細細件，食起上嚟幾方便～🍵冷泡台南高山綠茶 套餐+$8飲到淡淡嘅綠茶味，用嚟解膩係唔錯嘅～⭐️好味指數：7.5/10📍初遇 (粉嶺)粉嶺粉嶺車站路18號粉嶺名都商場2樓58號舖#粉嶺 #初遇 #台灣菜 #台灣 #滷肉飯 #鹽酥雞 #拌麵 #蛋餅

我叫杯珍珠奶茶，佢送到過嚟唔俾飲管不特止，仲要係杯嘢我根本就係覺得俾人飲過，佢仲要同我講咁樣係正常，我真係想問吓點樣唔攞飲管去飲珍珠奶茶，用手食啲珍珠啊，正常人屋企都唔會有飲管啦，同埋正常嘅買奶茶都會比飲管人哋，唔似得好似你哋咁，唔俾飲管唔講不特止，仲要覺得自己一啲問題都冇，你哋呢間嘢真係垃圾中嘅垃圾

行過見到哩間嘢但係未食過諗住入去試下，見到有魚湯米線平時都鍾意飲魚味嘅湯所以試下，點知個湯唔好話冇魚味，簡直係無任何味道，我懷疑係麵粉開水，叫做奶白色就話係魚湯，簡直當消費者係傻仔。下次都係搭多兩個站過深圳食好過！