Video
Read full review
2011-03-09
175 views
星期五開OT，同同事一齊去食呢間野裝修係居酒屋格局，都幾細間同埋可能因為係星期五晚 (我9點幾先上去食)所以都幾嘈下 (不過嘈又反而傾啲公司野)我地點左以下嘅野:- 意大利鮮芝士配三文魚蕃茄 ($78.00)- 三文魚軟芝士反卷 ($70.00)- 明太子飯團 及 燒三文魚飯團 ($60.00)- 三文魚牛油果卷 ($65.00)- 海蝦天婦羅 ($68.00)- 前菜2份 (呢份我地無ORDER...相信係店舖 "硬食" 收費項目) ($30.00)另送，雪糕一球前菜 - 都幾好味，裹面有 帶子邊、海草、甜芋片 同埋螺肉三文魚軟芝士反卷 - 三文魚同蕃茄都好新鮮，只係意大利芝士我略嫌味太淡...搞到要分開食先食到個味明太子飯團 - 沒什麼特別，只係一嚿熱嘅飯，包住一粒熱左嘅明太子三文魚牛油果卷 - 呢個我覺得係最好食，牛油果同三文魚個味夾得好好，加上少少三文魚子，食落都幾有層次感海蝦天婦羅 - 個脆槳同隻蝦分離...搞到一係食到個槳面一係就只食到隻蝦...都幾失敗雪糕應該係牛X公司或者係雀X公司出品，只有豆腐味或士多啤梨味選擇呢間野招呼真係麻麻啦首先，啲侍應可能係因為太後生，所以真係
裝修係居酒屋格局，都幾細間同埋可能因為係星期五晚 (我9點幾先上去食)
所以都幾嘈下 (不過嘈又反而傾啲公司野)
我地點左以下嘅野:
- 意大利鮮芝士配三文魚蕃茄 ($78.00)
- 三文魚軟芝士反卷 ($70.00)
- 明太子飯團 及 燒三文魚飯團 ($60.00)
- 三文魚牛油果卷 ($65.00)
- 海蝦天婦羅 ($68.00)
- 前菜2份 (呢份我地無ORDER...相信係店舖 "硬食" 收費項目) ($30.00)
另送，雪糕一球
前菜 - 都幾好味，裹面有 帶子邊、海草、甜芋片 同埋螺肉
三文魚軟芝士反卷 - 三文魚同蕃茄都好新鮮，只係意大利芝士我略嫌味太淡...搞到要分開食先食到個味
明太子飯團 - 沒什麼特別，只係一嚿熱嘅飯，包住一粒熱左嘅明太子
三文魚牛油果卷 - 呢個我覺得係最好食，牛油果同三文魚個味夾得好好，加上少少三文魚子，食落都幾有層次感
海蝦天婦羅 - 個脆槳同隻蝦分離...搞到一係食到個槳面一係就只食到隻蝦...都幾失敗
雪糕應該係牛X公司或者係雀X公司出品，只有豆腐味或士多啤梨味選擇
呢間野招呼真係麻麻啦
首先，啲侍應可能係因為太後生，所以真係感覺到無乜禮貌，同埋唔多肯做野
而且，尾後仲有一個小插曲，就係侍應A走埋黎話上埋個雪糕俾我地 (當時無話俾我地知有得揀味道)
咁...就上左兩個士多啤梨味雪糕上黎啦~ 我同事因為對士多啤梨味敏感，
所以就問佢可唔可以換其他口味雪糕，個侍應B即刻黑面無乜禮貌咁問 "你地叫雪糕時無揀味架咩?"
我同同事到嗰時先知有味道揀 (侍應A只係走埋黎同我地講有雪糕送，問我地上得未)
咁我同事就問佢有乜野味揀 (侍應B無乜禮貌咁答左豆腐味或士多啤梨味)
我同事就想換豆腐味，點知侍應B繼續以黑面及更無禮貌遲疑左幾秒講左句 "豆腐味賣晒，無得換"
咁...我地就由佢啦，我見到侍應A又行埋黎，跟住我同侍應A講 "可唔可以幫我同事換做豆腐味?"
侍應A都係問點解我地當時初唔揀定，我唯有同侍應A講 "你地當初無話有乜野味道俾我地揀" (佢好似唔記得左係佢問我地上得甜品未)
跟住佢地死死地氣去幫我地換 (當然...我係聽到侍應A & B 喺我地背後講乜啦)
總評:
食物質素 - 我覺得新葡崗嘅大盛比佢好
價錢 - 中環食野係咁貴架啦...如果想食平靚正，應該去其他地方
招呼 - 作為客戶，我覺得如果我自己打醒十二分精神的話...招呼可能都還是一般般
Post