MâmAmis

Open Now

Now Closed

行過見新開張入去試下 , lunch set 越南河粉$158 , menu 無寫到個有d咩材料 , 咁問樓面姐姐 佢就話有牛啊 , 雞絲啊 之類 , 聽唔係好清楚佢仲講左一兩樣野 , 咁lunch人多都廢事追問 , 等左陣上到黎 , 第一啖食落d河粉又碎又淋 , 都唔知食緊咩 , 咬落好似糊仔咁 , d牛肉份量都算啦 , 仲衰過平時打邊爐d肥牛 , 又薄又肥無咩肉味 , 個湯底好普通 , 飲完有少少頸渴 , d牛丸正正常常 , 最出色係跟既果碟香葉 , 好大碟 , 但係我又唔係要食沙律 , 要咁大碟 ? 跟餐杯野食算係最出色 , 不過都係茶記級數。總結 門面 , 環境 幾好 , 服務岩岩開業唔評價啦 , 不過d樓面都好似唔係好知自己間餐廳賣咩 , 個set 包咩 , $158加一俾呢個水平既野食真心唔會再去 , $58我都要考慮下。