牛霸王

Open Now

Now Closed

喺觀塘返工嘅朋友介紹，呢間牛霸王，真係喺手打和牛漢堡蘭王蛋丼飯方面稱得王👍👍👍 食過挽肉與米嘅我，覺得呢間都幾值得一試，會好有驚喜！手打和牛漢堡扒丼飯 $133我叫咗秘製漢堡汁、芥辣酸瓜加蜂蜜綠茶秘製漢堡汁真係好好送飯🤭我個人俾芥辣酸瓜100分，富開胃，芥辣有日式嘅感覺，加上酸瓜開胃得來又Fresh，配上漢堡，令口味更豐富。牛扒，油脂好香🤤 配上日本米飯，我覺得我可以食到一碗飯😂 另外，佢哋用嘅係蘭王蛋，呢個可以直接生蛋撈飯食，味道甘甜，加上顏色橙橙黃黃，好吸引。自家製橘子厚切吉列雞扒飯 $83朋友嗌咗呢個雞扒飯，超抵食，未見過吉列雞扒嘅份量有咁多。飯嘅份量又係勁大份，對女仔嚟講未必食得晒。雞扒除咗大份之餘，仲要外脆內嫩。呢間牛霸王除咗整牛扒出色，估唔到雞扒都唔輸蝕。雞皮餃子 $58雞皮炸得酥脆，緊緊包裹實內裏嘅餡料，仲會有肉汁，勁有日本居酒屋嘅味道。 呢個都好值得一試。