好到底麵家

Open Now

Now Closed

每次泥好到底，都一定爆場，但阿姐總可以找到位俾我地，唔使等，食物又好食，成日心思思想泥食。🥟🦐雲吞湯麵$30🥟🦐雲吞撈$39🦐🥕蝦子蘿白$30泥度既雲吞麵係我至愛，個麵食得出蛋香，又無鹼水味，個湯清甜不油不膩，我每次都會飲哂，但又唔口渴。至於雲吞，一口size，皮簿、蝦肉爽脆，同豬肉的比例剛好。如果偏向重口味，不妨試下雲吞撈。撈麵用蠔油撈好，一嘮麵再一啖湯，食得好爽好滋味😋😋 今日突然好想食蝦子，所以叫左蝦子蘿白。蝦子滿滿的鋪响蘿白上面，每啖都食都香香既蝦子，加埋蘿白的清甜，食到最後一舊我地要爭食 (失禮😂😂)除左雲吞，呢度既水餃都好好食，大家可以試下喔。