好到底麵家

Open Now

Now Closed

今天我在小店裡品嚐了冇鹼水味雲吞麵，真是讓人驚喜！雲吞皮薄餡多，裡面的蝦仁鮮甜可口，搭配上彈牙的麵條，口感絕佳。湯底清淡卻芳香四溢，讓人忍不住多喝幾口。每一碗都散發著家的味道，讓我想起童年在香港的記憶。價格實惠，份量充足，絕對是忙碌一天後的完美晚餐。這碗雲吞麵，值得每位食客來嘗試！

去到發現是一間舊式茶餐廳格局，古舊嘅掛扇，這是一間食完就走充飢的餐廳，叫了個蝦子撈麵同埋雲吞麵，我覺得這裏最出色的是他的麵，是彈牙彈牙爽口的，值得專程去試一試，而且它有很細心的剪麵服務，我是從來未有遇過的，讚

去博愛醫院探完病後，再到元朗阜財街附近走走医肚， 附近飲食店舖好多選擇。想，成20年都無去過好到底， 就這一間啦 。 入到去有地下和閣樓。見地下人客都多和稍熱 ，便問夥記樓上還是樓下凉些呢。夥記話 ‘’唔知道喎 ，這幾天啲冷氣都係唔夠 ‘’。 算啦，算啦，慣咗㗎喇，唯有死死地氣自己行上樓梯到閣樓。 上到去，地方寬敞，只有兩台食客，冷氣稍為涼些， 舒服好多。 夥記的態度也好好多。坐下叫了一個套餐，細蝦子撈麵+ 1碗水餃雲吞（內有三隻雲吞，兩隻水餃)$80蝦子撈麵到，吓， 嗰碟麵咁少嘅 ,(一住甘多)，男士就唔夠食。鋪在麵上的子都算夠份量，不知是否因為麵少，就覺得蝦多。但當食下就覺得有些腥味，可能是蝦子， 有些少失望 , $80喎, 麵就算幼細, 水餃和雲吞冇特別一般. 我覺得我自己包嗰啲雲吞仲好食. 諗下,諗下,$80...這地區,這環境, 這些份量, 是不是貴咗些呢? 又上了一課。門口的收銀員非常好有禮貌，多謝前多謝後，同舖內地下的夥記好大對比。 不知是否老闆？

呢間麵店平日午市都幾多人，好多街坊行過都入來食個麵。坐低留意到都幾多人叫冬菇麵，其次就係水餃雲吞。最後決定試吓佢哋嘅冬菇牛腩麵。唔洗等好耐就有得食，冬菇厚身，炆得幾入味，唔錯！牛腩似牛肋條多啲，炆得幾淋，但牛肉和調味都唔算特別香濃，有少少失望。麵條則幼細爽口，唔會話擺一陣就發脹，也沒有鹼水味，加少少醋一齊食係正嘅。因為份量偏少，男士可能要加底。湯底就正正常常。現場見到有顧客專程來外買幾個生麵餅自己煮，果然是老店。聽到外賣麵餅要冷藏保存，感覺都幾新鮮。總括來講都值得一試，下次有機會會試埋魚蛋同水餃。

香菇、好麵、好到底和朋友走過大街時突然被這舊式招牌吸引。店名有點熟悉, 記起從介紹香港老店的書中讀過這一家老牌麵家。 走近一看, 原來獲米滋蓮必比登推薦多年。 主打香菇、豬手、福州魚丸和各式自家製麵。店內格局和裝潢都是老牌傳統小店的格局，有字畫和其他中式擺設。地方不小,有兩層之多。樓上有數位外籍旅客在用餐。座位算寬敞。四處都擺了供零售用的自家製伊麵和全蛋幼麵。其間看到有婆婆步進店內買生麵。餐牌中英對照。各種麵食都有例牌和細份。價錢相當合理。我們點了香菇湯麵, 炸醬撈麵和福州魚丸。香菇麵很快就到。趕緊吃一口麵條, 覺得麵條爽口彈牙, 果然名不虛傳。湯底應該是大地魚的清湯。有小許鹼水味, 落了點紅醋便沒問題。香菇吃了一口, 覺得炆得非常軟腍, 味道鮮甜, 口感結實。果然是招牌。朋友點了炸醬撈麵。麵條同樣爽口彈牙。炸醬的豬肉份量豐富，醃得入味, 炸醬甜美，濃稠度剛剛好。上湯亦頗有鮮味。福州魚丸: 口感結實的魚丸內有半肥瘦的豬肉餡, 肉汁豐富，味道濃郁。是不錯的小食。服務員相當有禮, 是一次很愉快的用餐體驗。下次希望坐二樓和試試豬手麵。值得一試!

元朗好到底老字號懷舊麵店，今日食咗炸醬撈麵🍜淡淡的蕃茄醬味道🍅酸甜清香，每一口都能感受到肉絲的嫩滑，麵質彈牙爽口，煮得剛好，搭配一碗香濃湯底，更是絕配😜😋湯底香氣濃郁，增添了豐富度和層次。😆這道炸醬撈麵具有濃厚的懷舊風味，彷彿回到了童年時代的味蕾記憶。無論是味道還是口感，都令人滿意。麵店的裝修簡單，是60年代的木桌木椅子，有地面和一樓兩層，一樓的送餐服務非常特別，是在地面用一部小型升降機送到一樓，忘記拍照😆😆

今日竹竹去學野，所以又係獨食時間！好耐冇食好到底，但其實佢唔太抵今日介紹佢2款野食，魚丸湯同水餃佢個水餃係魚皮水餃尼餐牌由細食到佢大都係呢個裝修，冇變過有得上去食最中意坐呢d細枱仔！食物升降機淨水餃（黑色係木耳/雲耳）切咗分唔到，好特別好爽口！魚丸湯（驚喜！）係幾好味！🥇裏面啲肉汁好好食！（不過我有點豉油，加胡椒粉）最近無啦啦中意食野加胡椒粉魚丸湯，今日叫$25，因為想食2款野單：埋單$63（一個人食）今日獎牌：🥇

由細食到大，由事頭婆掌舵到依家一直keep 住有幫襯，好多人話變左，尤其攞左米芝蓮越來越差。最近，我有去幫襯，我碗面未食好，抹下鼻，突然問都未問過我就收走我碗面啦，我咪講我未食完架！！之後只講唔好意思😒，完全食到冇晒心情！！後尾先知，換左老闆，唔怪得知啦🙄

係元朗行街見到呢間歷史悠久嘅麵檔而且發現係米芝蓮推介所以好好奇咁入咗去食唔知係咪太期望有點失望點知試左，冇特別想幫襯第二次我覺得稱唔上米芝蓮推介出邊好多好食過佢大把推介叫咗個雲吞豬手麵麵生菜，淨水餃個面好重鹼水味雲吞唔夠出邊鋪嘅彈牙水餃都好一般，仲要比雲吞貴豬手話可以都夠腍不過不失，不過真係稱唔上米芝蓮。服務方面，食得呢啲麵都唔會特別有啲咩期望。

啲味變晒質，成個製作方式唔同咗，啲湯同面變晒味。以前啲湯好清而有味道同滾，而家係湯無味....重點係以前嘅無䶨水味..啲面有鹼水味，總之隻味係完全唔同晒，只係保持到爽嘅口感。但啲面已經同其他鋪頭食無分別，有啲難食...之前內地客勁多，為咗做多啲生意，佢哋啲面似係分兩次煮，上到嚟枱已經糊糊地，但起碼保持了面的味道。前排無晒內地客，終於回覆番晒水準，即叫即煮，好味！點知事隔一季，可能係要控制成本，湯變咗，靈魂嘅面條已經變晒。可惜可惜，而家係成碗面唔同晒味。無鹼水味嘅鹼水面本來係好到底嘅賣點，亦係我唯一一間可以食倒無鹼水味面嘅地方，係歷史嘅味道。而家，已經變到同其他大量生產嘅面店無分別，所有嘢粗製，為達至最佳嘅成本效益。而大部份熟客都已經係8，90歲嘅公公婆婆，佢哋自然食唔出有咩唔同。只係喺我問起店家啲面唔同咗嗰陣，佢哋自然自言話係有啲唔同。成碗面喺我面前，但我無半點食慾.啲面完全唔得，啲餃其實還好，係啲皮有啲硬咗。由一碗面16蚊食到變34蚊，結果係咁嘅結局。可能係全香港嘅問題，畢竟食店要達到最大收益，好嘢都只能向錢看，人情味的話，你就想到別想。或許對熟客公公婆婆嚟講，味道不重要，只要有個地

這間麵店已經吃了很多遍，每一次都覺得好好吃。麵都是自製的，粗麵跟幼麵咬起來有質感，不會過淋或有鹼水味，豬手和牛筋都燘得夠淋，味道不會過鹹。雲吞和水餃都是每天新鮮包的，特別的是水餃是用上燕皮，內裡放上免治肉、蔥和蝦，饀的材料比例剛剛好，比較像魚皮餃，每次都是必點的🔥

好多朋友推介，話個雲吞麵超級好食，所以就去試吓。叫咗牛腩麵同雲吞麵，見枱面冇辣油，叫姐姐可唔可以比辣油，佢話得辣椒醬冇辣油， OK👌🏻，事出必有因，可能佢啲麵配辣椒醬會好食啲，所以我嘗試下。個牛腩非常非常非常一般，個面好好食👍🏻👍🏻👍🏻，冇鹼水味又爽，可惜個湯底好似我喺屋企煲嗰啲老火素湯咁，一啲都唔鮮，我唔排除好多人喜歡呢個湯底，但係我都係喜歡大地魚湯底，配雲吞麵再配雲吞。因為個牛腩非常一般，所以我心情已經唔係太愉快，這叫期望太高。雲吞當然有蝦有豬肉，但係真係冇咩特別⋯⋯我再試佢個辣醬，毫無驚喜。完。佢個面係好好嘅，再講一次，非常之爽又冇鹼水味，可以試下。

牛腩麵嘅幼麵好好食 夠曬彈牙 湯底係普通嘅腩汁 都唔錯 最值得講嘅係牛腩 佢嘅牛腩好好食 夠曬味又夠淋 有少少藥材味 好能好食 一碗有4大舊算多 但佢整體份量對一個成年男性嚟講就唔太夠 可能要加一加底😹魚丸米 唔同出面嗰啲 佢個魚丸係有料喺入面 大大粒咁 類似有啲肉燥包咗喺入面咁 一碗有4大粒 份量都夠 湯底係紫菜湯 夠味好食 但可以嘅話想要多少少紫菜 因為佢紫菜幾好食 值得一提嘅係呢到有舊式嘅玻璃樽裝可樂 仲要有zero 呢個位係有啲加分 有舊式香港粉麵檔嘅感覺👍🏿

上個月去咗睇《命案》，當中lokman飾演好到底麵家太子爺，令我醒起仲未出食評🤣最後天氣時凍時熱又焗又濕，都無乜胃口食飯，食麵就啱曬啦😚上網睇Michelin介紹先知原來1946 年老闆嘅爺爺已經喺博愛醫院附近用一枝擔挑經營流動麵檔，到後來喺1961 年買下現址嘅全棟物業😨 好到底麵家有超過七十年歷史，我個陣都係比麵家情懷吸引咗入去食😆水餃麵 $45雲吞麵 $34⭐️⭐️極度推薦⭐️⭐️好到底麵家有廠房係元朗，麵都係一條龍自家製，有品質保證👍🏻食落口感超爽，帶有蛋香，完全無鹼水味🤤湯底飲落無味精，帶有少少大地魚魚，好清甜🐟水餃用特製燕皮配合木耳、冬菇、蝦同豬肉🐖皮薄餡靚😍雲吞雖然唔係好大粒，但除咗豬肉，入面仲有成隻蝦同蝦籽🦐福州魚丸⭐️推薦⭐️福州魚九是福建省福州市的一道傳統地方名菜，屬於閩菜系😋實物與圖片相符，魚肉外皮好彈牙，咬開入面充滿豐富嘅肉汁，超級好食🥹大家睇完《命案》之後可以去好到底麵家食返碗麵打卡📷

元朗「好到底麵家」真係估佢唔到，原來係米芝蓮街頭小食推介。佢既成名作就係佢嘅「麵」，聽說一食佢碗麵，你就會停唔到口，有冇咁誇吖～叫碗試一試佢先，仲有佢既雲吞同蝦子在此店都非常有名氣的！食物方面，我點選了以下：簡簡單單嘅(雲吞麵），雲吞皮夠哂薄，啱啱好！餡夠飽滿，無馬虎，而且蝦質都彈牙喎。湯頭都ok wo,夠晒味！麵質真係唔錯唔錯，冇得彈，簡直係零鹼水味，食落又有彈性，口感真係一流。（真心推薦👍🏼）