Video
Read full review
2024-10-19
189 views
Akoya價錢💲: $88/ $380/ $148/ $118/ $138/ $98/ $36串燒/ $78/ $38甜品好味程度😋: 4.3/5服務🍴: 4.3/5環境🗾: 3.7/5性價比🥢: 4/5回頭率😚: 4/5-之前一路都係食尖沙咀分店的akoya，而家係銅鑼灣開左分店方便港島區的朋友！ 服務好好，會不時幫客人換碟。氣氛又好，食物質素都好，價錢都唔算好貴，值得不斷回頭！-✅✅✅明太子煎蛋卷。呢個必點！形狀四四方方，成個枕頭咁😂d蛋仲要生熟度剛好，入面食到有蛋漿，外面就熟d凝固左。有淡淡的味淋香，一切開d明太子流曬出來！！好澎拜！濃味又帶微辣的明太子同淡味的鷄蛋balance得好好☺️-✅✅刺身拼盤7點盛 。呢7款入面有好多白身魚，例如魷魚、伊佐木、間八、平目魚、真鯛、深海池魚同吞拿魚🤩每款都新鮮厚肉，除左平目薄切，加小小酸汁。伊佐木肉質細嫩。間八肥美甘香。真鯛有口感。吞拿魚赤身都柔軟唔腥。成碟的刺身都高質。-✅肉厚活3年帆立貝。呢個性價比一般般。但帆立貝係大隻的，同埋燒到半生熟，好嫩。加埋牛油燒味道更香。上擡的時候仲會有火焰效果🤓-✅海膽汁燒蠔。4隻蠔，每隻都幾creamy，
價錢💲: $88/ $380/ $148/ $118/ $138/ $98/ $36串燒/ $78/ $38甜品
好味程度😋: 4.3/5
服務🍴: 4.3/5
環境🗾: 3.7/5
性價比🥢: 4/5
回頭率😚: 4/5
-
之前一路都係食尖沙咀分店的akoya，而家係銅鑼灣開左分店方便港島區的朋友！ 服務好好，會不時幫客人換碟。氣氛又好，食物質素都好，價錢都唔算好貴，值得不斷回頭！
-
✅✅✅明太子煎蛋卷。呢個必點！形狀四四方方，成個枕頭咁😂d蛋仲要生熟度剛好，入面食到有蛋漿，外面就熟d凝固左。有淡淡的味淋香，一切開d明太子流曬出來！！好澎拜！濃味又帶微辣的明太子同淡味的鷄蛋balance得好好☺️
-
✅✅刺身拼盤7點盛 。呢7款入面有好多白身魚，例如魷魚、伊佐木、間八、平目魚、真鯛、深海池魚同吞拿魚🤩每款都新鮮厚肉，除左平目薄切，加小小酸汁。伊佐木肉質細嫩。間八肥美甘香。真鯛有口感。吞拿魚赤身都柔軟唔腥。成碟的刺身都高質。
-
✅肉厚活3年帆立貝。呢個性價比一般般。但帆立貝係大隻的，同埋燒到半生熟，好嫩。加埋牛油燒味道更香。上擡的時候仲會有火焰效果🤓
-
✅海膽汁燒蠔。4隻蠔，每隻都幾creamy，肚位都好有蠔味的甘香！海膽醬比得好多，未免有d過鹹🧐
-
🆗銀鱈魚西京燒。銀鱈魚好肥美，魚油超級香。肉質幾結實，調味甜甜的，本身已經係個好食的魚。如果可以燒得乾身d，個表皮可以焦脆焦脆就會好食好多🥹
-
✅✅鷄湯卡邦尼烏冬。呢個好creamy，但唔會好膩，因爲無咩cream的感覺，而係啖啖都係蛋汁+芝士。烏冬係扁+幼的，好滑溜😍入面有小小煙肉帶出鹹味。主食來講呢個推介。
-
✅✅自家製免治雞肉串/ 雞肝。雞肉串入面的軟骨幾多，有口感😌沾埋蛋黃同燒汁，呢款一定係必叫！雞肝唔會烤得過熟，入面粉嫩粉嫩🤪
-
✅雞翼/ 豚肉蘆筍卷/ 豚肉韭菜芝士卷。雞翼完隻，燒得個皮幾香脆。蘆筍無渣，但包住的豚肉有啲太薄🙈韭菜卷就幾好食，juicy，芝士同韭菜味好夾。
-
✅✅✅鹽燒牛舌。呢個性價比超高！$78有好多，仲要舊舊都有厚度，唔係薄切🥳呢到的牛舌係食爽脆同有韌度口感的😎牛脂味愈嚼愈出！旁邊忠有d麻油野菜解膩。
-
✅✅雞蛋布丁/ 柚子雪芭。布丁係動L到的質地，幾軟滑。蛋味夠出，最好食係個焦糖醬，好有苦苦地的焦糖味🍮 呢陣味可以令人覺得無咁甜。柚子雪芭refreshing，做結尾就最啱。
-
再食再食都係唔會失望的一間😋 啤酒仲買一送一🍺
Post
