Video
Introduction
A stylish Japanese izakaya located upstairs, known for its extensive sake collection. Perfect for gatherings with friends. The menu is diverse, with each dish crafted with attention to detail and of high quality.
continue reading
Opening Hours
Today
17:30 - 23:30
Mon - Sun
17:30 - 23:30
Above information is for reference only. Please check details with the restaurant.
About Reward Scheme
之前見到ig好多人去呢間居酒屋，bookmark咗都好一排，今次同朋友專程到訪，就係為咗一試佢哋嘅明太子煎蛋卷💖個人覺得呢到最出色嘅係燒物同一品料理，明太子煎蛋卷 ($88) 呢個真心係必食推介，個蛋做到好嫩滑好軟熟，一切開入面嘅明太子即刻流曬出嚟💛肉厚活3年帆立貝($148) 一上菜個時仲有火嘅效果好啱打卡🤣 帆立貝都幾厚肉，食落幾彈牙🤪鹽燒牛舌($78)都幾出色，食落幾有咬口，加埋生椰菜冇咁膩～ 海膽汁燒蠔 ($118) 就用鐵板形式上，海膽汁比較甜，面頭做咗炙燒，蠔肉都算厚身，食落去都幾鮮～刺身拼盤七點盛 ($380) 當日就有平目、伊佐木、深海池魚、真鯛、間八、赤貝同拖羅，整體嚟講件件新鮮冇筋，而且相當厚切，推介大家由我上面列出嘅順序食就可以由淡味到濃味～島池味噌他他 ($148) 都幾得意，紫蘇葉嘅調味幾得意～炭火燒拼盤6串 ($180) 就有自家製免治雞肉串、雞翼、雞心、雞腎、青椒仔、雞頸，其中最鍾意嘅免治雞肉棒，加埋月見汁食超邪惡🥰 鍾意到加多咗一串自家製免治雞肉串 ($36)～三文魚三文魚籽燒飯團($78) 面頭佈滿三文魚跟三文魚籽，燒到外面脆口，三文魚都幾肥美，食落口感都幾豐富😛最正嘅係呢到啤酒做買一送一，即係$37.5就有一杯啤酒，啱晒同朋友一人一杯啤啤佢🍻 甜品都幾出色，自家製雞蛋布甸 ($38) 個焦糖香好有驚喜！食落去甜而不膩，而且夠滑～總括嚟講，呢間居酒屋雖然定價唔平，不過質素都對得住個價錢，而且樣樣嘢都係新鮮熱辣嚟，幾碟都係出住煙咁上菜，侍應服務都算係殷勤，環境都算闊落好坐，整體嚟講都頗有質素，完全明白點解咁多人到訪～
continue reading
最近多嘢做夜咗收工 周圍搵邊度地方有宵夜食 一齊chill下飲番杯🍻有酒有串燒呢啲基本啦❣️炸雞軟骨 $68熱辣辣脆卜卜 金黃酥化嘅外皮一咬落脆口卡卡聲 送酒啱曬❣️特上刺身盛拼盤7点盛 $680成份閃令令擺盤勁靚✨大拖羅、中拖羅、牡丹蝦、赤貝、深海池魚、真鯛、平目魚全部色澤鮮艷 十分新鮮 油脂飽滿 啖啖都係入口溶化❣️明太子炭火牛油燒飯團 $72焦香可口嘅飯團表面放上鹹香濃郁嘅明太子醬 鹹鹹香香一口咬落十分惹味牛油香沾滿每粒飯粒❣️雞湯卡邦尼烏冬 $98採用清甜雞湯溝出嚟嘅卡邦尼湯底 刪減左平時個種刻板油膩感 鮮甜得嚟帶點忌廉香 十分創新❣️炭火燒拼盆6串 $180重頭戲炭火串燒🔥自家製免治雞肉串、雞翼、雞心、雞腎、青椒仔、雞頸其中最鍾意嘅免治雞肉棒點埋蛋漿食好滑好好味❣️豚肉露筍卷 $36炭燒過嘅蘆筍十分多汁 豚肉緊緊包裹住一咬噴汁💦非常juicy ❣️明太子煎蛋卷 $88金黃色軟綿綿嘅蛋卷切開流心明太子醬 微辣內餡同震揗揗嘅蛋卷超match成舊食曬都唔覺Heavy❣️雞蛋布甸 $38超香雞蛋味嘅布甸淋上焦糖漿濃郁美味 難怪大家都極力推薦😋❣️𝒮𝒰𝒩𝒯𝒪𝑅𝒴 𝒟𝑅𝒜𝐹𝒯 𝐵𝐸𝐸𝑅 $75/買一送一日式居酒屋必嗌 而家仲要做緊買一送一平均先30幾蚊一杯 機出啤酒啲泡沫感幼滑程度真係一流
continue reading
打開人生地圖，竭盡全力一路向前衝之時，亦冀望覓得一個能「越過高山越過谷」，連結深刻的靈魂共鳴，感受相互的共性、獨特與信念，療癒彼此身心靈的「靈魂伴侶」。位於銅鑼灣的「Akoya」是一間時尚日式居酒屋，名字令人聯想到日本海域養殖珍珠的通稱，是代表「優質珍珠」的代名詞；「Akoya」同樣注重細節，致力打造優質的用餐體驗，提供各式各樣治療人心的日本料理，在這裏小酌幾杯，輕鬆吃喝，定能盡情放鬆自己的情緒和壓力，把你的身心帶回健康正軌。環境：✨室內裝潢設計沉實低調，配合雅致的木材、具質感的畫作等元素，在暖黃的燈光下折射出更多層次感，營造了非常適合酌酒、品嚐料理的氣氛。服務：✨當天正值晚市，人流頗多，職員態度友善有禮，服務到位，上菜及用餐時間均令人滿意。食物：🐟 刺身七點盛 ($380)✨擺盤蠻精美，包括味道相對素雅的伊佐木、細緻柔滑的間八、清甜淡麗的平目魚、柔韌的真鯛、肉質爽厚帶光澤的赤貝、彈口微甜的深海池魚，以及愈嚼愈濃香，魚油感漸增的吞拿魚。🐚 肉厚活3年帆立貝 ($148)✨鮮甜爽彈，熟度剛好，充滿大自然渾然天成的氣息。🍳 明太子玉子煎蛋卷 ($88)✨質感鬆軟柔緻而多汁，富蛋香，配搭鹹香的明太子，很不錯！🍢 串燒✨宮崎A4和牛串 ($148)：表面呈現金黃色的微焦感，火喉十足，擁有均勻油花，口感軟嫩細緻， 油而不膩。✨自家製免治雞肉串 ($36)：軟硬度適中，香氣撲鼻，蘸上蛋黃同吃，更豐富惹味。✨粟米 ($28)：香甜多汁，味道跟牛油很搭。✨燒蕃薯配蜂蜜牛油 ($48)：粉糯甜蜜。🐷 黑豚軟骨蔥鹽汁燒 ($78)✨柔軟易咬開，含豐富膠原蛋白，適合下酒。🐷 宮崎黑豚香腸 ($68)✨甘香不會過於油膩，表現正常，同樣適合下酒。🍮 自家製雞蛋布甸 ($38)💗筆者推介！✨入口柔滑細膩，帶有淡淡的酒香，蛋香與醇厚的焦糖醬交織，更富層次感，是份屬大人的雞蛋布甸！🍺 Suntory Draft Beer ($75，買一送一)🍹 Calpis Soda ($38)
continue reading
位於銅鑼灣的「Akoya」是一間主打炭火串燒的日式居酒屋，裝潢風格以傳統日式居酒屋為主🎎🎏壁櫃上陳列左各種日本清酒🍶還播著日本的背景音樂，好有氣氛！菜單內食物款式選擇不少，包括刺身、沙律、小食、燒物、串燒、麵食及甜品等，每款菜式都擺盤精美👍🏻店員的服務貼心到位😊 刺身拼盤7點盛 $380刺身拼盤由廚師發辦❣️，今日的精選的刺身包括伊佐木、平目薄切、真鯛、吞拿魚、深海池魚、赤貝 及 間八，每款都有2件，每件都非常新鮮，除左平目薄切，每件都厚切肥美呢🤩肉厚活3年帆立貝 $148上桌時用上微火保溫，帆立貝肥大肉厚，店家將帆立貝切粒，方便進食，味道鮮甜帶牛油香，肉質彈牙👍🏻炭火燒拼盤6串 $180自家製免治雞肉串店家每天新鮮自家製成，入口可以吃到粒粒的雞軟骨🐔，再配上月見汁，肉汁鮮香肉嫩、味道微甜，口感層次好豐富🥰 雞腎雞腎食落彈韌，口感有嚼勁😋雞頸肉 可能因為雞頸活動量大🐔，雞味濃郁而且爽口，雞肉好嫩滑，油脂分佈均勻。雞心好珍貴嘅食材，一串有3粒雞心🫀，外觀呈錐形，肉質堅韌，口感軟嫩，沒有腥味。雞翼 外皮燒得香口帶脆，而雞肉保留非常多汁，肉質富彈性，雞味濃郁鮮美，口感柔軟。青椒仔日本青椒仔較細小🫑，外皮好薄，海鹽提升了青椒味，吃起來爽口帶微甜。燒雞皮 $36@好鍾意食雞皮🤩將雞皮串成一串，雞皮燒得酥酥脆脆，吃起來很有彈性🤗宮崎黑豚肉腸 $68爽脆的外皮包裹著味道香濃的黑豚肉，好味多汁，非常可口🤗超濃厚雞湯烏冬 $98烏冬用上濃厚雞湯湯底🍜，濃厚惹味，配上富有彈性及嚼勁的烏冬，烏冬掛湯度高，而配料包括有2塊日式火炙叉燒及一隻溏心蛋☺️日式火炙叉燒肥瘦適中，而且仲經過火炙，外酥裡嫰；咬落去溏心蛋後半熟的蛋黃流出，蛋白軟滑，蛋黃味濃郁，吃完串燒后不妨來一碗清清味蕾。自家製雞蛋布甸 $38雞蛋布甸蛋味香濃🥚，入口感滑溜又充滿彈性🍮，食埋甜品就滿足晒🥰檸檬茶酒 $58檸檬茶味突出，入口酒質清爽，甜度較適中。香檸Mojito (無酒精) $58薄荷草本香氣伴隨檸檬鮮酸果香，飲落好清新解膩。
continue reading
🪭B豬去完德國旅行之後返嚟啦，梗係同佢食餐好㗎啦！咩叫好嘢？一定係日本嘢啦🇯🇵！📌要揀間靚嘅日本餐廳好簡單，因為心目中已經有答案。熊妹之前已經試過尖沙咀的《Akoya》係受盡高度評價🔝，仲要原來近排喺銅鑼灣開咗分店，岩哂B豬呢個港島人，絕對值得一試再試！📌銅鑼灣新分店位於Sogo隔離澳門逸園中心8樓，一如《Akoya》作風，以啡色木系為主的居酒屋🏮，配上柔和的燈光💡，形成一個個私人包廂🧱，係一間具有傳統風味的居酒屋。📌跟尖沙咀店的餐牌一樣，有齊各式各樣的串燒，仲有多款小食、刺身、沙律、飯團同甜品，當然唔少得一系列嘅啤酒🍺同埋日本酒🍶，原意讓人們放工後過來放鬆一下把酒談歡的居酒屋，今時今日已經演變成多姿多彩的日式餐廳。明太子煎蛋卷，$88港女必點食品 - 明太子煎蛋卷🍳。煎得超級靚仔的煎蛋卷金黃發光，沒有任何虎皮紋，一層一層咁包起一大堆明太子，切出嚟嘅時候明太子真係滿瀉晒出嚟，玉子煎得熟度剛剛好，好重蛋香味，用上日本蛋真係唔同啲！鮮蝦牛油果野菜沙律，$98今次銅鑼灣店嘅沙律係改良版，有啲分別喎！面頭一大堆芝士碎🧀，內裏有好多沙律菜🥬，蕃茄仔🍅、粟米荀🌽、牛油果🥑同好多嚿大大粒的大蝦🍤，撈上酸味味嘅千島醬，好味在主要係新加嘅材料 - 芝士碎，再提升咗成個沙律嘅味道。肉厚活3年帆立貝，$148B豬最愛吃帆立貝🐚，見到呢個肉厚帆立貝即刻心心眼😍！帆立貝珍寶size大大隻再切粒，扇貝下面放了火石，燃燒著熱辣辣的帆立貝上枱，可以即時吃到帆立貝的鮮味！燒味醂魚亁，$98B豬話居酒屋必點的佐酒小食。用味醂燒起嘅魚乾，肉質好實在，味醂醬味濃郁，食一條送一啖酒，正正特顯出居酒屋的寫意。三文魚三文魚子燒飯團，$78日本燒飯團面頭塗上醬油去燒，燒到表面脆脆地，再咬落熱呼呼的飯團🍙，面頭三文魚子多到滿瀉同內裏嘅三文魚肉親子配搭，再加埋脆口嘅紫菜味道，成為今餐全場的MVP！鹽燒牛舌，$78一碟牛舌👅有6-7件，牛舌好厚實，食落勁爽口，有嚼勁，牛舌的獨特口感永遠都令人吃上隱。驚喜在配菜有生椰菜都有撈上調味醬汁，食完牛舌再食一片椰菜清新口腔，呢個配搭好唔錯！燒羊扒，$88羊扒🍗唔係好大一件，食落肉質粉嫩，好軟淋，羊臊味唔重，外表收乾點油脂，燒到有點脆，呢份羊扒做得幾出色！好窩心地扒柄包起了錫紙，可以好放心地拎起羊扒一口一口咁咬來吃，滋味無窮。炭火燒拼盆6串，$180由廚師發辦👨🏻🍳六款串燒🍢，得出自家製免治雞肉串，雞腎，青椒仔，雞頸，雞心同雞翼，中了最愛的自家製免治雞肉串！開心🥳！由雞肉同雞軟骨攪碎形成的雞肉串再點上月見醬油蛋黃汁，啖啖肉之餘又有軟骨節脆口咬感，滋味程度絕對滿分💯！另外，青椒仔🫑面頭鋪上木魚絲，食落又唔辣，幾特別！雞腎、雞頸同雞心就全部雞的內臟位，加了調味去了內臟腥味，食落爽口。雞翼係一隻雞全翼，燒到雞皮收乾，雞肉嫩滑，主要調味到位夠惹味！整體來說，串燒做得都幾出色，對居酒屋來說絕對是代表性的食品！雞湯卡邦尼烏冬，$98食咗咁多小食，都要點一款主食的。卡邦尼烏冬明顯係fusion菜，用上烏冬取代意粉🍜，食落好有咬口，雞湯味反而濃郁過卡邦尼嘅味道，內裡放入好多煙肉條，仲有經典卡邦尼的溫泉蛋，撈埋一齊質感濃稠，雞湯忌廉味道濃郁，每次來都必試的主食。自家製雞蛋布甸，$38 飯後甜品不二之選，《Akoya》招牌自家製雞蛋布甸，從來都無令人失望。滑溜嘅布甸🍮好重雞蛋味道，焦糖醬汁好重焦烤味，就算食到好飽好飽，咁好味的甜品好快就清左，食甜品真係第二個胃！柚子雪葩，$38 另外，再叫左個柚子雪葩🍧，超級清新又解一餐飯膩，食到濟一濟不妨試下呢個甜品解膩！美丈夫柚子酒🍸，$62 / GLS + $10 w/Soda檸檬茶酒🍹，$58 / GLS📌好高興再次光臨《Akoya》都依然保持水準，希望「一啖串燒一啖酒」的感覺能夠繼續承傳下去💪🏻。
continue reading