元朗燒賣皇后妙舒 (Closed)

好味指數😋😋😋😋😋回頭指數⭐️⭐️⭐️⭐️開心指數🤗🤗🤗🤗🤗今日3點幾都未食lunch，路過見到對面街有元朗燒賣皇后，立即心心眼😍🍴炸魚旦燒賣孖寶（$22 / 每款6粒）平時我通常會食招牌香菇豬肉燒賣，因為真材實料夠香又好味，尤其配上皇后辣椒油，不過今次想試下炸嘅版本，就叫咗炸孖寶，即叫即炸熱辣辣又香口，因為表面會放咗椒鹽，就唔會再配辣油或手工豉油... 先試下炸燒賣先，勁脆又香口呀，同蒸嘅version好唔同，呢款好惹味，外脆內軟，唔會乾，仲食到香菇味，正呀～炸魚旦唔會好似燒賣咁有脆皮面，佢嘅魚旦係自製白魚旦，外層少少香脆，都係放咗椒鹽，魚旦夠彈牙，有魚肉味，口感一流！因為我太掛住佢嘅辣椒油，我都有叫店員俾咗少少我😋🍴咖哩五寶（$35）呢個係我第一次食，揀咗咖哩汁，五寶有魷魚、牛柏葉、豬皮、蘿蔔、魚旦，個咖哩汁真係超好味，咖喱汁濃郁，有少少辣味，好惹味，用嚟配咩食都好正，魷魚、牛柏葉、豬皮煮到剛剛好，易咬開又夠咬口，蘿蔔清甜冇渣，好味～🍴皇后碗仔翅（$20）估唔到原來咗大碗，開頭以為用細碗裝，原來係大碗，好足料，羹湯唔會太傑撻撻，香菇同木耳有好多，唔錯～