王家沙 (Closed)

蜜汁雙方($148)好評！金華火腿軟硬適中，唔會太難咬。經過香甜蜜糖調味原本嘅鹹味變得可口。軟熟嘅蝴蝶包夾住脆脆同埋火腿口感豐富。伴碟嘅蓮子數量好多，食極都食唔完，實在係大滿足。三鮮湯年糕 ($68)湯年糕比較失望。年糕嘅質感唔夠煙韌，而且唔入味。娃娃菜煮得好琳，但係得好少。魚湯底味道得宜。紅燒大排擔擔麵 ($58)擔擔面呢我哋叫咗唔辣，但係依然惹味，花生味重。可惜肉粒同埋花生粒欠奉。陸麵嘅時間適中，麵質有彈性。