Central Indian Restaurant

Open Now

Now Closed

中上環一帶係香港嘅中心地帶，海外企業林立，所以餐廳選擇除了本地茶餐廳，仲有唔少異國風情嘅餐廳選擇，其中包括極具名氣的印度餐廳：Central Indian Restaurant。而講到食印度餐，除咗咖喱之外，仲有咩食呢？蒜蓉烤包同印度咖喱最夾嘅就一定係烤包！呢款蒜蓉烤包充滿蒜蓉香味，就咁食就好似食緊蒜蓉包，如果加埋咖喱一齊食，味道嘅層次就更香濃。馬沙拉魚塊餐廳選擇無骨嘅魚塊做主角，令食魚怕骨嘅我安心晒。馬沙拉醬汁非常香濃，醬汁香滑，雖然一啲都唔辣，但係味道極具層次，配飯配烤包都好好食。燴馬沙拉雞馬沙拉醬汁係我的最愛，所以另外再叫咗燴馬沙拉雞。用上鮮薑、洋蔥碎同大量番茄製成嘅馬沙拉醬汁，口感豐富之外仲有一份新鮮感。至於雞件口感非常嫩滑，而且夠晒入味。芝士菠菜芝士菠菜可以話係其中一道具代表性嘅印度菜！芝士其實用上入口即溶嘅農家乳酪，而菠菜就被烹調成綠色的醬汁，奶味同菠菜味完全無違和感，而且容易掛汁，非常惹味。Mango Kulfi飯後甜品就選擇咗Mango Kulfi！雪凍咗嘅芒果配上牛奶，酸酸甜甜，緩解油膩相當有效，為呢個晚餐或送完美句號。