Pascucci (Closed)

本身係附近既工廠大廈做嘢，星期五既下午， 諗住食餐好，由於樓下間cafe太多人，所以就入左九龍貿易中心揾食！本身諗住吃日本野，但要等6張枱， 加上我哋有六個人，咁啱見到呢間意大利餐廳有吉位，又唔洗排隊等位！ 見佢係外國人待應，應該都唔會難吃卦，點知……估唔到咁就奶嘢啦！ 中曬伏！呢間餐廳全部食物都係單點，見到隔離枱個千層麵幾靚仔，最後我地叫左3個千層麵！2個卡邦尼意粉同1個雜菇意大利飯！另外叫左杯朱古力同瓶裝橙味有汽果汁！首先，飲品方面！朱古力味道係唔錯，但另外杯瓶裝有汽橙汁，完全似芬達味，而且唔係瓶裝係杯裝其次，食物方面！雜菇意大利飯，無乜菇味，只有勁濃郁芝士味，芝士控最啱，不過個汁太多，搞到個飯一pat野，似糊仔多過意大利飯！而且太膩，女仔吃幾啖已經覺得滯……卡邦尼意粉，略嫌黑椒味太多，個汁依然係好芝士，而且太多，變左一pat野，整體上係好味過雜菇意大利飯同千層麵，起碼仲吃到真係一條條既意粉，而且仲平d!千層麵，賣相就唔錯，不過味道就……勁難吃！!！完全唔似千層麵，似吃陣一pat粉漿落口既感覺，又似爛左既麵餅，口感勁差!吃左2，3啖真係無食慾再吃！唯有吃晒d肉就算!其實大家都預左百