大戶屋

Open Now

Now Closed

雖然呢間店有幾間分店，亦好多人都聽過，但我係未食過架。難得最近中環新開，我地全體同事過黎食ot飯。餐牌好多野揀，有幾款都想食，但最終都揀左呢個牛小排套餐。等左一陣個餐黎係一路"沙"住咁黎，因為佢個牛小排係鐵板上。套餐有前菜沙律，蒸蛋同湯。沙律啲菜好生唔好食，我冇食晒。個蒸蛋有好濃既蛋味，唔錯既。湯就同平時差唔多，冇咩特別。個飯我加$10要左紫菜飯，當然味道係豐富左，不過講真$10就唔係好抵。講返主菜牛小排，好香好軟淋，牛味亦重，好食啊！而佢既配菜薯蓉球亦唔錯。不過又飯又薯蓉，食到我好飽啊。