Video
Read full review
2009-04-05
公司搬左去灣仔, 已經急不及待搵下灣仔有乜野好食霸王山莊唔係第一次幫襯, 尖沙咀荃灣我都食過, 尖沙咀幾好, 但荃灣真係一般... 因為灣仔太多野未食過, 本來排隊都未輪到幫襯佢, 事緣當日約左久違了既係灣仔返工既朋友食lunch, 知道霸王山莊中午唔駛點等位, 所以就揀左呢度果然, 中午一點前搵位唔難, 而且因為金融海潚, 中午多左個特價餐, 一個拉麵$28霸王山莊拉麵既特色係, 有好多種唔同既拉麵任君選擇, 粗的, 幼的, 健康的 (應是蕎麥), 等, 相信應該會有一款岩口味當日我叫左川味牛筋配粗豪麵, 餐牌寫牛筋係辣的, 但食落一d都唔辣, 雖然我唔嗜辣, 但寫明係辣原來唔辣要扣分, 牛筋幾"林", 亦唔會煮得太耐無左牛筋味, 因為我好怕食一d狂煲煲到無晒味既牛筋...至於個粗豪麵, 我比較喜歡食粗麵, 但感覺佢既麵比我喜好既更粗, 的確很"粗豪", 口感 (雖然我真係唔想用呢個咁common既term) 唔錯, 只是個湯底不是上湯... 失色了最後要一讚的, 就是小籠包, 記得之前尖沙咀第一次食, 已經令我留下印象, 今次係灣仔食, 都無令我失望, 皮簿多湯汁, 頂頂個摺位食落
霸王山莊唔係第一次幫襯, 尖沙咀荃灣我都食過, 尖沙咀幾好, 但荃灣真係一般... 因為灣仔太多野未食過, 本來排隊都未輪到幫襯佢, 事緣當日約左久違了既係灣仔返工既朋友食lunch, 知道霸王山莊中午唔駛點等位, 所以就揀左呢度
果然, 中午一點前搵位唔難, 而且因為金融海潚, 中午多左個特價餐, 一個拉麵$28
霸王山莊拉麵既特色係, 有好多種唔同既拉麵任君選擇, 粗的, 幼的, 健康的 (應是蕎麥), 等, 相信應該會有一款岩口味
當日我叫左川味牛筋配粗豪麵, 餐牌寫牛筋係辣的, 但食落一d都唔辣, 雖然我唔嗜辣, 但寫明係辣原來唔辣要扣分, 牛筋幾"林", 亦唔會煮得太耐無左牛筋味, 因為我好怕食一d狂煲煲到無晒味既牛筋...
至於個粗豪麵, 我比較喜歡食粗麵, 但感覺佢既麵比我喜好既更粗, 的確很"粗豪", 口感 (雖然我真係唔想用呢個咁common既term) 唔錯, 只是個湯底不是上湯... 失色了
最後要一讚的, 就是小籠包, 記得之前尖沙咀第一次食, 已經令我留下印象, 今次係灣仔食, 都無令我失望, 皮簿多湯汁, 頂頂個摺位食落唔會令我覺得食緊一舊麵粉
食既時候仲有一段小插曲, 因為本人掛住傾計既關係, 第一次夾小籠包唔小心夾起左之後跌番落個蒸籠度... 可幸既係粒小籠包並無穿到, 師傅手勢可見一班
P.S. 最後埋單, 仲送左一張晚市半價優惠咭
Post
