霸王山莊 (Closed)

平時經過樓下見到呢度啲裝修幾舒服同唔多人，同朋友去完電腦展，就決定去呢度食，上到去同想像中差唔多，侍應仲安排到我哋坐窗口卡位，當行完電腦展咁攰，最好就係可以坐得舒舒服服，正呀！講番嘢食先，首先係個前菜，平時中式食肆啲前菜就真係麻麻，大部份時間都係勉勉強強下食，但我覺得呢度個前菜就幾好，少少咸少少棘好開胃，話都冇咁快俾我食哂咁滯。可能大家都想試多幾款嘢食，所以其中五款係包類物體，同埋一個炒飯。干貝炒飯: 居然係最快嚟嗰樣，可惜冇乜驚喜葱油千展酥: 好鬆化，如果入面啲葱再多啲就更加好生煎包: 有驚喜，熱棘棘，個包底煎到脆卜卜又不算好黑，我覺得呢個幾好小籠包: 而家好多食肆小籠包普遍做到皮薄多汁，咁呢度都唔例外，塊皮薄得嚟唔易穿，不過我哋覺得唔係幾夠熱炸饅頭: 炸到外脆內軟，點埋煉奶，好味紅油抄手: 其他地方多數做到棘油同雲吞撈埋一齊，呢度個紅油抄手雲吞同棘油係分開上，雲吞幾鮮味，棘油就可按個人喜好點幾多都得，我就覺得啲棘油唔算好棘，點咗好多，朋友就話棘，點少少，咁唔食得棘ge朋友都可以試下呢個啦！最值得一讚係侍應啲服務態度幾好，有求必應，希望佢哋可以保持住。

這天是生日飯，但遇到不愉快經歷。我與老公大約晚上七時左右到達，當時不太滿座，還有頗多的吉枱。我們被安排在由兩張二人枱合併而成的半卡位上，當時我們把餐牌放在旁邊的二人枱上，一名男侍應突然很不禮貌地把兩張枱分開，我們還以為有客要入座，但侍應於這動作後便掉頭走了。 滿場都是吉枱，為何硬要把我們的枱分開那麼小家？ 又不尊重已在座的客人，要分就應在客在座前分。我們叫了三樣東西：小籠飽 $30.- ，一籠四隻，味道一般，不及金滿庭；麵根素雞炆豆付 (名字不記得太清楚) $68.-，素雞不錯，很彈牙，但麵根很油；糖醋魚塊 $76.- ，酸甜味不錯，但獻汁太 "杰"，很糊口；另白飯 $10.-，茶錢兩位 $12.-，酸菜 $10.-，連加一 $226.-但當晚回家後，我與老公都不停地喝水，我想他們有師傅幫忙。當三樣餸同時上枱，根本枱面不夠地方放，最後侍應還是要把兩枱合併。既然這樣，早前又何苦多此一舉。

有一百元霸王山莊的現金卷，於是就到這一間霸王山莊試一試晚飯，環境舒適，晚飯時不是太多人，我們被安排坐在近窗的卡位上，看著外面人來人往的電車路上，很是有趣！不知道為何，這裏的侍應比較生手，尚算勤力有禮，環境裝修唔錯，雙併是海折頭併皮蛋豆腐，海折和皮蛋都比較一般，豆腐的質感很好，蔥油餅也煎得很好，蔥味很濃，獅子頭和飲子都比較普通，杭洲炒年糕有肉絲蔥等，比較肥膩但美味，比較特別的有素菜卷，雞蛋皮包著金菇蔬菜等一起煎炸，口感很好。埋單409，有一百元的增卷，實收309，價錢偏貴，可能是食地方了吧，如果連鎖集團來說都算唔錯的了，不過自己始終對連鎖集團沒有好感。http://icuteee.mysinablog.com/index.php?op=ViewArticle&articleId=1751765

兩三年前曾與好友們到霸王山莊晚膳，對這連鎖京川滬菜館的印象是食物精緻、價錢略貴，粗俗點去形容就是貴夾唔飽，一碟賽螃蟹每人只可吃一小口，確未能盡興而歸，自此便經其門而不入，壞透的印象彷彿已成為心中的烙印。直到上月女友拿到了其集團現金券，終於有機會給他們一次機會去上訴了！平日晚上的灣仔霸王山莊，人流稀疏，看看餐牌一眼便發現大特價晚飯孖寶，選擇兩款小菜只需 $88，當中不乏心水菜式，是晚便要了冰糖小圓蹄及四季豆，另外要多一客三鮮水餃，成就了一頓溫馨飯局。先來的是三鮮水餃 ($42)，一碟八隻，大小跟老牌松竹樓相似，是標準的京式一口吃，輕咬皮薄帶點肉汁，相當不錯。接著是四季豆，每次食京川滬菜館必點前菜之一，可惜質感認真麻麻，感覺如橡膠似的，實不太懂欣賞。最後出場是主角冰糖小圓蹄，侍應先安排原個上檯，好讓我拍個夠，再將圓蹄切開，配襯了作伴的西蘭花，賣相的確是頂瓜瓜。肉質香嫩的圓蹄肉，味道非常濃郁，香而不膩，香而不漏，以此價錢計，質素已是上佳的了，還可挑剔甚麼呢？結果是次大平反成功，霸王山莊得以重返搵食行列。令人難以置信的，是這頓令人滿意的晚飯埋單竟只需 $145，用 $100 現金券後，不但人均

之前豬流感唔敢去灣仔, 而家解封左又約左班fd食飯la.今之又choose霸王山莊. 其實我自己食過幾次都ok, 所以屈左班fd揀呢度! 環境: 大又坐得舒服, 好乾淨, 不過廁所有d難搵 服務: ok, 某d會好d, 殷勤d, 大致斟茶收碟都算快. 出品:小籠包 – 推介每次都食, 皮好薄, 同鼎泰豐有得揮!銀絲卷 – 普通, ok軟油墨菜 – d菜幾新鮮, 少油椒鹽掛骨- 好好食, 野味! 不過唔知算唔算京菜?!腰果肉丁- 腰果好脆好香, 肉丁好林, 以為會普通, 但又幾好味!酸辣湯- 不算好辣, 味道濃d 價錢: 盛惠每位110 總括: 其實呢間店係幾好, 又有位有好食, 約gathering最我鐘意黎呢間

晚上去左灣仔霸王山莊食, 之前都係食開尖咀o個間, 估唔到......d staff態度非常好, 開頭坐在一群好嘈的人隔離張枱, 即刻冇哂心情; 我地就要求轉位, d staff 好好呀, 雖然安排唔到窗口位, 但轉o個個位好靜好舒服 之後我地叫左個二人餐, 開頭諗住轉左條魚做其他餸, 個部長好nice, 介紹我地食其他野, 哈哈, 但最後我地都係要返松子魚~~ d野食上得好快, 等左一陣就有野食喇, 一開始來了個小籠包, 好熱好好食~ 再來魚翅, 雞絲粉皮, 芙蓉蝦仁, 松子魚, 桂花糕......樣樣都好好食, 食到好飽飽~今晚真係好開心, 最開心當然係同佢一齊晚飯

我未吃過一間咁差的上海菜（其實尖沙嘴那間霸王山莊不錯，但灣仔這間真的很差）！當天母親天，因為自己太遲才book檯...金滿庭/小南國/南翔小籠飽全部full曬...突然記起自己去過尖沙嘴的霸王山莊不錯,加上打了電話去就話有位我就book了在灣仔的一間吃晚飯(3人)以為一樣都係霸王山莊,味道服務應該差不多,但係居然係令人十分失望lor!!!等了差不多５０分鐘才上菜！還要發現原來二樓那層的其他所有檯都漏單或遲上菜！有些客人不滿有些微言(其實真的很正常,因為每個人都等了起碼40分鐘!!!)，但是有waiter居然在那檯客人走了之後大大聲用粗口罵那個客人lor!!!!紅油抄手：勉強ok小籠包：十分普通，同叮叮差不多砂鍋雲吞雞：成煲都係湯lor....塊雞又細又唔好味雲白肉：十分普通／同王家沙或金滿庭無得比三鮮炒年糕：呢樣十分差，隨便一間上海店都炒得比他好，完全唔鮮味，根本無味於是我地甜品都無叫就走人我覺得食物水準低都算，但係有幾個ｗａｉｔｅｒ真係當住其他客人面前，講粗口，罵客人，真的很差勁ｌｏｒ！！！！熱烈勸告各位不要光顧！！！

收到了openrice的一百元coupon，而且也未曾光顧過此食店，一於在coupon的expiry date之前試一試。其實昨天已吃在寧波吃了一頓非常豐富的晚宴，飽足了二十四小時，想不到，今晚和女朋友轉戰此自稱為京川滬菜的餐館，通常對此等餐館都沒什麼好感，總是認為不專注，又如何做好呢？而我倆今天點的菜，都是較偏向滬式的，真想不到，未到二十四小時，又來一餐江南菜。是晚點了一個超值晚市孖寶，一個晚市特價小菜，然後再加一客小籠包及銀絲卷，也應該很夠吃的了。先來的是晚市孖寶的冷盤，點了我愛吃的茄子，而今次的是辣涼拌茄子，茄子煮得軟腍，冷凍得夠涼快的，但問題出自醬汁上，坦白說，其醬汁真的是很難吃，雖然醬汁中混了蔥花是抵讚的，但終究醬汁的既杰又醬且超甜，人生在世，都未曾吃過此醬，而辣從何來？只是鬼鬼祟祟的以紅油抄手那種辣油撤上兩羹即成，這一丁點的辣味，輕易的就被超甜醬打倒了。吃過這道涼菜後，喝一口茶，拾回被甜醬轟壞了的味覺，先來一客小籠包小試牛刀，一客四件的小籠包，大小適中，一口可吃一個，一口咬下，皮是略為厚了一點，而且未至於熱得燙口那種，有點不足，但赫見在內有中度的肉汁流動，也算是對版的了，

已不是第一次幫襯......點知依家d staff 差到咁離譜.舉手叫人寫野收野無人理,問多句優惠詳情就黑面,最離譜係叫兩碗糖水黎一碗......今時今日依d服務態度,d野食幾平都無用!叫o既o野食有:松子魚(最好味的一道)牛坑腩(稔,但好spicy)菜飯(正常)冰花糖水(一d都要唔甜,同水無分別)希望會train下d staff,如果唔係都幾難做落去!

之前去過尖沙咀店，試過都唔錯，但今次喺灣仔店確實有點失望。 星期日八點鍾無人唔使等，仲有窗邊位坐。 叫茶洗碗後開始叫餸。 一行四人五個餸包括： 頭盤手撕山雞伴海蜇冷食，加上芝麻都幾香。红燒菌豆腐普遍，家常便餸，可能你哋個個都識做。 蘇浙豬柳骨湯麵同樣無驚喜，味道啖一D。霸王炒飯味道啖而無味，而且最差係D菜一舊舊，根本食唔到。霸王小籠包最後唯一可幸的係小籠，雖然算不上肉汁鮮美，但總算包內有湯汁，達到小籠包的基本要求。總括而言，每樣餸都普普通通，無味唔好食，同樣價錢去同面街食お寿司好過，唔會再去。

Many are familiar with the film "Farewell my Concubine" by acclaimed director Chen Kaige. It tells the story of two Chinese Opera stars whose life events went parallel with the original Peking Opera about the loyalty and devotion of the Concubine towards the Emperor. With a name like 霸王山莊, the opera came to mind in a flash, as scenes of the film the Concubine's departure at the end, I couldnt get through my active imagination that if the Concubine is a foodie herself, she would've wished for a g

公司搬左去灣仔, 已經急不及待搵下灣仔有乜野好食霸王山莊唔係第一次幫襯, 尖沙咀荃灣我都食過, 尖沙咀幾好, 但荃灣真係一般... 因為灣仔太多野未食過, 本來排隊都未輪到幫襯佢, 事緣當日約左久違了既係灣仔返工既朋友食lunch, 知道霸王山莊中午唔駛點等位, 所以就揀左呢度果然, 中午一點前搵位唔難, 而且因為金融海潚, 中午多左個特價餐, 一個拉麵$28霸王山莊拉麵既特色係, 有好多種唔同既拉麵任君選擇, 粗的, 幼的, 健康的 (應是蕎麥), 等, 相信應該會有一款岩口味當日我叫左川味牛筋配粗豪麵, 餐牌寫牛筋係辣的, 但食落一d都唔辣, 雖然我唔嗜辣, 但寫明係辣原來唔辣要扣分, 牛筋幾"林", 亦唔會煮得太耐無左牛筋味, 因為我好怕食一d狂煲煲到無晒味既牛筋...至於個粗豪麵, 我比較喜歡食粗麵, 但感覺佢既麵比我喜好既更粗, 的確很"粗豪", 口感 (雖然我真係唔想用呢個咁common既term) 唔錯, 只是個湯底不是上湯... 失色了最後要一讚的, 就是小籠包, 記得之前尖沙咀第一次食, 已經令我留下印象, 今次係灣仔食, 都無令我失望, 皮簿多湯汁, 頂頂個摺位食落

首先多謝openrice 送我一張贈券, 令我第一次到霸王山莊享用晚膳小籠飽: 有四粒, ok 啦, 食下冇壞既擔擔麵: 食落口有o的花生醬既感覺, 算係最好o個個燻鴨: 有o的類似曼頭既包比你夾住鴨肉一齊食, 只能說...ok啦仲有order 左另外一個唔記得咩炒牛肉喇, 總之成餐晚飯總括講, 都係只能說....ok 啦不過好在有張$100 coupon

呢度食物、環境、服務一向有保證。所以一想到食中菜，呢度會係一個不錯的選擇。自己已經o黎過好幾次，覺得如果多人o既話叫餐都幾抵，可以試到個湯、前菜、點心，仲有甜品。但有心理準備每個"食送"都唔會話好大份，但係我地試過幾次都夠食。前菜係芽菜。我地今次都有要小籠包，d皮薄薄的，但很有彈性，唔會筴起上o黎就穿。剛剛蒸好時，熱氣騰騰，一咬落去裡面個湯熱烘烘的，非常juicy. 整體來說，呢度d小籠包個皮同肉比例o岩o岩好，值得一試。(p.s. 有另一款是有蟹粉的)另外，仲有雞絲粉皮，個花生芝麻醬，有dd青瓜絲o係面，好好味，但係不太特別，同其他restaurant差不多。迷迭香排骨，個骨都做得幾夠林，幾入味，不過都係普普通通餐廳都食到。燈影牛肉，真係做到好薄好薄，真係可以透射少少燈光的，些少Chilly, 是可以接受到的，食落好似一塊塊好薄好薄，好脆好脆o既牛肉乾咁。好有特式，而且個色我覺得好靚，好似一件artwork.最後，要了一個桂花糕，有兩款，一款係明目杞子桂花糕，另一款係雪耳(?)桂花糕，兩樣都好好味。

返工一星期，第一次可以有咁多人食飯！好開心啊！既然人咁多，所以就去霸王山莊叫套餐，又可以食多Ｄ款七人叫六人餐，有1個湯羮/砂窩雲吞雞，2個涼菜，3個小菜，4個點心，兩碟炒粉麵，仲有甜品添！砂窩雲吞雞：一人一粒雲吞，幾清甜，好味皮蛋豆腐：係凍的，加左皮蛋的麻婆豆腐，同我係北京食的唔同，可能係先入為主的緣故，我總是覺得怪怪的麻醬粉皮：好味呀，因為好多麻醬，仲有花生粒添，粉皮很彈牙很好味！令我回憶起北京的涼皮！西蘭花：正常味啦，清清地黑醋排骨：其實係糖醋排骨，幾大碟，排骨入晒味，Ｄ骨都可以食，好好味！賽螃蟹：我嫌佢實得滯，無左個種滑滑的口感～燒賣：無食，但係好細碟～小籠飽：朋友都話好食，我無食叉燒飽：都無食，不過比較細件金錢肚：用芋頭墊底，我鐘意蛋白炒飯：白sai sai的，我無食，但係睇個樣就唔好食，居然細細碟都食淨成半杭州炒年糕：有好多菜加埋一齊炒，年糕夠煙韌，無一般炒年糕咁咸，我覺得好好味呀！甜品：其實係桂花糕，但係加左紫薑，桂花糕本身唔甜，有左紫薑我就淨係食到辣味，好怪呀！咁多野食都係一人$60，好抵啊！雖然佢Ｄ滬菜唔特別正宗，但係都好味！（至少食到同粵菜的區別）佢仲有Ｄ$28面餐的