龍味館

Open Now

Now Closed

忙了一整天之後，我來到這間幽靜的餐廳，點了份 b餐。這套餐包括前菜、點心、主菜和甜品。首先出場嘅係 *暖胃湯*，呢款木瓜甘筍湯真係一個完美嘅開場。湯嘅溫度啱啱好，飲完即刻覺得暖笠笠。接住嚟嘅係 *龍苑點心拼盤*，包括龍蝦蝦餃、蟹子鮮蝦燒賣同埋卡邦尼小甘筍。每個點心都精緻又美味，特別係龍蝦蝦餃，鮮甜嘅海鮮味充滿口腔； 蟹子鮮蝦燒賣咬落肉質彈牙有口感。小甘筍脆香可口。主菜係 *波士頓龍蝦、鮑魚、蝦海鮮湯泡飯*，呢道菜真係海鮮愛好者嘅天堂。每一口都食到海鮮嘅新鮮同甜美，湯底係精心熬製，濃郁但唔油膩，配合著加埋嘅脆米飯，忍唔住一口接一口。最後係 * 紅粉玉露*，呢款甜品完美收尾。清新嘅番石榴香味同 一粒粒嘅西米，口感綿密又唔會過甜，為整個用餐體驗劃上完美句號。