餃掂手工餃子雲吞專門店

星期五收工，大家去中環蒲，我就去中環食餃子。呢間餃子店，平時就算喺附近返工，lunch time都好多人，所以就特登揀星期五夜晚黎食，雖然都好full，但係等位冇中午咁耐。.中環分店係其中一間好鍾意嘅分店，呢一間分店啲服務態度特別好，啲姐姐好貼心，例如兩個人嚟佢會主動比兩隻碗仔你Share，落單上食物，成個過程都好有禮貌。.兩個人黎食，係好餓嘅狀態底下，叫咗三款餃子、一份涼皮同埋一杯飲品。-龍鳳松茸雙灼餃(跟湯）-粟米餃(大碗）-大白菜餃(中碗）-四川涼皮-蜂蜜檸薏米水.龍鳳松茸雙灼餃之所以叫龍鳳，係因為佢有黑白松露，兩款各有千秋，個人偏愛黑松露多少少，食落去好Juicy，黑白松露嘅份量亦都重手，係足料嘅，搭配嘅狀元九鼎湯濃滑冇味精，感覺健康。.兩款蔬菜餃🥟，粟米就爽脆有咬口；大白菜就就清清甜甜，兩款都好唔錯，而且粟米係用新鮮粟米嘅，自己嚟可以直接叫雙拼，呢兩款我都覺得叫湯餃比煎餃更加合適。（韭菜同埋芝士就適合煎）.四川涼皮質感滑溜，上面有好多花生碎幾香口，冰冰凍凍而且辣辣地，頗開胃。想解辣嘅話，可以叫低甜蜂蜜檸薏米水解下辣，幾舒服。