Video
Read full review
2021-09-21
78 views
每次黎到尖沙咀經過呢間餐廳望到佢地嘅招牌都會好習慣性望下入面🤣望一望佢地餐牌見到全部都咁辣都會驚🥶所以今次都終於過咗黎試吓！［特製辣麻味噌拉麵 $120］首先必須要讚吓佢地嘅湯底，辣得黎唔會好「拿喉」，反而麻味好出好香，今次呢碗我地嗌咗小辣小麻，個人黎講唔算好辣，佢地嘅麻同辣嘅程度都可以分開選擇，如果食得辣嘅朋友可以直接試下挑戰中辣以上！😉呢一碗拉麵就包一個溏心蛋同一舊叉燒，溏心蛋咬落好香蛋黃味，中意食溏心蛋嘅朋友一定要黎試！叉燒方面份量都幾大舊下，女仔黎食應該都未必食得晒🙈肉質方面唔算特別肥美，反而有啲瘦，如果再肥美啲就更加好啦～［增量叉燒X2辣麻味噌拉麵 $135］至於呢個增量版就真係不得了啦！呢碗小編我地嗌咗中辣中麻，個湯底真係正好多！比起小辣，我地都一致覺得中辣更加好飲！湯底嘅香味更加濃郁，每食一啖拉麵再配埋個湯，真係好正🤤呢一碗拉麵都有兩舊極肥美嘅五花腩，無溏心蛋，想食溏心蛋嘅朋友就可以加錢加配～不過都唔緊要，相信呢兩舊大大舊嘅五花腩都一定食得飽您地！😝佢地五花腩嘅肥瘦分佈分明，咬落去唔會好鞋好老，脂肪部分入口即溶，唔知係咪兩碗嘅五花腩嘅部位唔同，我個人覺得反而好食過上面碗拉
特製辣麻味噌拉麵
$120
12 views
0 likes
0 comments
［特製辣麻味噌拉麵 $120］
首先必須要讚吓佢地嘅湯底，辣得黎唔會好「拿喉」，反而麻味好出好香，今次呢碗我地嗌咗小辣小麻，個人黎講唔算好辣，佢地嘅麻同辣嘅程度都可以分開選擇，如果食得辣嘅朋友可以直接試下挑戰中辣以上！😉
呢一碗拉麵就包一個溏心蛋同一舊叉燒，溏心蛋咬落好香蛋黃味，中意食溏心蛋嘅朋友一定要黎試！叉燒方面份量都幾大舊下，女仔黎食應該都未必食得晒🙈肉質方面唔算特別肥美，反而有啲瘦，如果再肥美啲就更加好啦～
增量叉燒X2辣麻味噌拉麵
$135
17 views
0 likes
0 comments
［增量叉燒X2辣麻味噌拉麵 $135］
至於呢個增量版就真係不得了啦！呢碗小編我地嗌咗中辣中麻，個湯底真係正好多！比起小辣，我地都一致覺得中辣更加好飲！湯底嘅香味更加濃郁，每食一啖拉麵再配埋個湯，真係好正🤤
呢一碗拉麵都有兩舊極肥美嘅五花腩，無溏心蛋，想食溏心蛋嘅朋友就可以加錢加配～不過都唔緊要，相信呢兩舊大大舊嘅五花腩都一定食得飽您地！😝
佢地五花腩嘅肥瘦分佈分明，咬落去唔會好鞋好老，脂肪部分入口即溶，唔知係咪兩碗嘅五花腩嘅部位唔同，我個人覺得反而好食過上面碗拉麵嘅五花腩！至於麵質方面，佢地嘅拉麵唔會好淋，軟硬度適中😋
總括嚟講，呢間餐廳好推薦大家黎試吓😋出面好少拉麵餐廳做到呢種麻麻辣辣嘅湯底，呢間真係好有驚喜感！不過佢地本身嘅辣度唔算好辣，就算唔食辣嘅朋友相信嗌小辣都唔洗驚，中意食麻辣嘅朋友呢間餐廳就岩晒您啦！😉🌶
Post
