Espuma (M88)

Open Now

Now Closed

作為Espuma嘅忠實粉絲，尖沙咀同灣仔分店已經去過不止一次，今個weekend就相約朋友到中環分店試試。中環店裝潢與灣仔店一樣有大玻璃窗，感覺開揚，坐窗邊可欣賞紅頂Bishop's house，仲可以遠眺山景及禮賓府。餐廳內播放著輕快音樂，當中有幾首都係大熱嘅Just Dance Music，充滿休閒氣息，weekend正正就係要呢個感覺啦！先點個經典Nachos作為餐前小食，鹹脆栗米片配上芝士、牛油果蓉、酸忌廉同Jalapeno，從來都係絕配，用手食就夠曬滋味啦。半熟吞拿魚，外層舖滿香脆黑白芝麻，再配上黑醋汁沙律，作爲頭盤格外醒胃！口感接近酥皮嘅超薄餅底極為香脆，烤焗後牛肉仍出奇地嫩滑多汁，配上濃郁的芝士及芥末醬，口感一流！咖啡同奶嘅比例調配得啱啱好，飲落濃厚幼滑，奶泡表面有一層微微燒焦嘅脆皮糖衣，口感獨特。水滴型窩夫，外脆內軟，餡料抹茶麻糬煙韌有咬口，Espuma製作甜品方面果然有一手，窩夫同時配上Mövenpick法式焦糖燉蛋味雪糕，雪糕混合焦糖醬，甜美滿足。