Espuma (M88)

Open Now

Now Closed

中環逛街剛好見到M88廣告牌介紹Espuma，就好奇上去對著靚景餐廳，就入左去品嚐，整體感覺都唔錯。Dinner Set 每位$398*起，有齊前菜、湯品、主食、甜品，一共4道菜。前菜超級推薦 #燒香草鮮魷 配糖漬檸檬汁，秘製魷魚醬汁酸酸甜甜，非常開胃，再加上魷魚外皮燒得脆邊，但又唔影響肉質，保持滋潤感； #龍蝦水煮蛋牛角包伴牛油果醬及巴馬臣芝土 ，整體配搭都非常清新，尤其是輕輕幾溫泉蛋一切將蛋漿流出一瞬間放入口，完全多種層次口感。湯品品嚐法式洋蔥湯，非常多一絲絲洋蔥肉，然後又好重黑椒味，過份濃郁，然後麵包一早預設在湯上，品嚐下去就像在吃海綿感覺，非常特別。主菜方面推薦 #燒紐西蘭羊柳 配香草甘筍仔、甜甘筍蓉，羊柳7成熟都非常香身，帶出羊鬚味道，配合醬汁剛好中和，配菜合拼都非常飽肚；另外又品嚐過 #焗蜜糖鰆魚 配鮮芒芝麻醬薯蓉及炒蔬菜絲，大大件魚肉有方包般大，而且又特別厚，疊上芝麻醬薯蓉一同吃都很特別，2道菜式如果醬汁可以更多就更加惹味。最後甜品品嚐 #鮮雜果吉士忌廉泡芙 配士多啤梨汁，驚喜之處在於面上彎曲的Churro，香脆甜甜再配合鬆軟泡芙，為Dinner Set畫上完美的。