Prime Pho (Moved) New Location

收工同朋友約去中環食越菜，呢間餐廳座位唔多，除咗兩張四人枱之外，就得返幾個bar位，所以要去食嘅話就要預先訂枱。牆邊set咗幾個掛勾比客人掛袋，好貼心！餐牌方面都幾多選擇，價錢喺中環嚟講都叫做幾抵食！同朋友叫咗生牛肉湯河，河粉質地係偏煙靭果種，一路食一路傾計都唔會好快淋哂，而且河粉吸哂湯底既味，毎一啖都好滋味～生牛肉都幾新鮮，唔會好「鞋」口，有牛味，配埋辣椒仔同青檸，感覺清爽唔會油膩～跟河粉既蘿蔔鮮甜，煮得好軟熟，成碗河粉足料又好味～野食一人一杯青檸梳打，都幾爽㗎！我都叫完湯河仲跟餐叫咗雞翼，佢都炸得幾好，外脆內嫩，上面仲醃咗料，十分惹味！