Video
Read full review
2025-01-23
0 views
放工男朋友話book了枱食飯，估唔到係book了環都爹利街A Lux！呢間成日話食，但係每次經過都只係經過，估唔到今日終於有機會～最估唔到係來到時，枱面撒了玫瑰鮮花瓣，好有心思。男友話原來訂位前提前同餐廳講定，就會有張靚靚嘅枱慶祝，真係驚喜，開心。今晚主要試A Lux Tasting Menu。因為帶點感冒所以就冇飲酒，只開了枝Sparling Water。以水代酒。麵包先上枱，欣賞其餐包微暖香脆，簡單點橄欖油黑醋就夠。開胃小菜係蜜糖芥末青瓜青蘋果雞胸薄脆，小小一件脆卜卜，好香口。小雲吞即場倒上龍蝦湯，口感細膩幼滑，富龍蝦鮮味，我鍾意!!!意粉有兩個，一個係即場煮的義大利粉！廚師用火燒溶帕瑪森芝士，然後將意粉撈入去，最後刨上片片黑松露。未入口已經有陣陣松露香。意粉好煙靭，加埋creamy芝士，好有口感好好食。另一個係意式公仔麵意粉出面比較少食到，麵條比較粗身，但好有口感，食落有蒜香和豬肉香腸，男友大叫話想食多碟~主菜選了美國肉眼扒，４成熟透著嫩紅色，口感細嫩，牛味又夠重。另一主菜係鱈魚扒伴馬賽魚湯，橙色馬賽魚湯好鮮味，鱈魚塊皮煎得好脆，魚肉雪白嫩滑，入面仲有墨魚、蠶豆等。甜品係開心果國
最估唔到係來到時，枱面撒了玫瑰鮮花瓣，好有心思。男友話原來訂位前提前同餐廳講定，就會有張靚靚嘅枱慶祝，真係驚喜，開心。
今晚主要試A Lux Tasting Menu。因為帶點感冒所以就冇飲酒，只開了枝Sparling Water。以水代酒。
麵包先上枱，欣賞其餐包微暖香脆，簡單點橄欖油黑醋就夠。
開胃小菜係蜜糖芥末青瓜青蘋果雞胸薄脆，小小一件脆卜卜，好香口。
小雲吞即場倒上龍蝦湯，口感細膩幼滑，富龍蝦鮮味，我鍾意!!!
意粉有兩個，一個係即場煮的義大利粉！廚師用火燒溶帕瑪森芝士，然後將意粉撈入去，最後刨上片片黑松露。未入口已經有陣陣松露香。意粉好煙靭，加埋creamy芝士，好有口感好好食。
另一個係意式公仔麵意粉出面比較少食到，麵條比較粗身，但好有口感，食落有蒜香和豬肉香腸，男友大叫話想食多碟~
主菜選了美國肉眼扒，４成熟透著嫩紅色，口感細嫩，牛味又夠重。
另一主菜係鱈魚扒伴馬賽魚湯，橙色馬賽魚湯好鮮味，鱈魚塊皮煎得好脆，魚肉雪白嫩滑，入面仲有墨魚、蠶豆等。
甜品係開心果國王餅，第一次食國王餅，有被驚艷到！外皮鬆化酥脆，入邊係開心果蓉，配埋雪糕嚟食，好味呀～
除咗甜品仲有送茶的小點餅乾、朱古力和泡芙，食完飯後嚟一杯咖啡或者伯爵茶，最適合不過。
呢度侍應好有禮貌，食物好味，安排的玫瑰花瓣枱，更加錦上添花，生日或者其他節日慶祝嚟呢度，都好推介！
Post
