Video
Read full review
2023-03-06
364 views
上次食完鯛白湯拉麵之後，想試埋呢間雞白湯。之前lunch time經過都好多人排。咁啱今次喺附近上完急救班，搭車可以落返中環，就順路去食。星期日晚市，7點零鐘去到都唔算排得好長龍，大概15分鐘就入得去。店內分咗吧檯同普通枱，我地今次就被安排坐吧檯。因為open kitchen關係，可以見到師傅煮麵同聽到師傅們嘅對話。部分對話內容有機會影響到客人對師傅嘅專業形象同用餐感受，呢點可能要注意下。我同男友都係點咗雞白湯拉麵($148)同座銀炸雞($58)。碗麵等咗大約10分鐘就黎啦~試一啖湯，覺得有少少鹹，雞味亦唔算好濃。個湯唔係好夠熱，我個人就比較鍾意熱焫焫嘅湯。相比之前喺池袋食過嘅一間雞白湯拉麵，個湯真係有D距離。拉麵配料有雞肉、豚肉、炸牛蒡、香蔥、紫洋蔥。麵店選用慢煮雞肉同豚肉，上菜時掛喺碗邊。欣賞佢呢兩塊肉入口嫩滑，而且肉質唔油膩。不過咁掛住，塊肉就會偏凍。(可能師傅唔想D熱湯影響慢煮效果？)食時候浸一浸湯會暖啲，不過個湯本身都唔夠熱，其實無咩分別。超欣賞佢呢個炸牛蒡!炸到好香脆，好好食。鍾意食嘅朋友可以$20單點。麵質同鯛白湯拉麵一樣，軟硬度適中，好食。最後到座銀炸雞上枱啦~呢邊嘅炸
之前lunch time經過都好多人排。
咁啱今次喺附近上完急救班，搭車可以落返中環，就順路去食。
星期日晚市，7點零鐘去到都唔算排得好長龍，大概15分鐘就入得去。
店內分咗吧檯同普通枱，我地今次就被安排坐吧檯。因為open kitchen關係，可以見到師傅煮麵同聽到師傅們嘅對話。
部分對話內容有機會影響到客人對師傅嘅專業形象同用餐感受，呢點可能要注意下。
我同男友都係點咗雞白湯拉麵($148)同座銀炸雞($58)。
碗麵等咗大約10分鐘就黎啦~
雞白湯拉麵
$148
15 views
0 likes
0 comments
個湯唔係好夠熱，我個人就比較鍾意熱焫焫嘅湯。
相比之前喺池袋食過嘅一間雞白湯拉麵，個湯真係有D距離。
拉麵配料有雞肉、豚肉、炸牛蒡、香蔥、紫洋蔥。
雞白湯拉麵(雞肉、豚肉)
$148
9 views
0 likes
0 comments
欣賞佢呢兩塊肉入口嫩滑，而且肉質唔油膩。
不過咁掛住，塊肉就會偏凍。(可能師傅唔想D熱湯影響慢煮效果？)
食時候浸一浸湯會暖啲，不過個湯本身都唔夠熱，其實無咩分別。
雞白湯拉麵(炸牛蒡)
$148
20 views
1 likes
0 comments
炸到好香脆，好好食。
鍾意食嘅朋友可以$20單點。
雞白湯拉麵
$148
9 views
0 likes
0 comments
座銀炸雞
$58
30 views
0 likes
0 comments
呢邊嘅炸雞無鯛白湯嗰邊咁大舊，價錢就貴$10
口感一樣外脆內軟好juicy！好食！
如果嫌淡，可以點旁邊嘅鹽調味。
比較下，我自己就鍾意鯛白湯嗰邊嘅炸雞。
總結：
味道方面我覺得唔係我想像中咁好食，太鹹又唔夠雞味。
比較返食物價錢、質素同環境，我會去返食鯛白湯拉麵。
Post
