Video
Read full review
2024-12-14
632 views
屋企人好鍾意飲茶 又聽朋友講呢間中菜評價唔錯所以今個周末 family gathering 帶咗屋企人嚟IFC 試吓🫖入到去好多枱都係一家人一齊嚟 望住個海飲茶 景觀真係唔錯 屋企人好滿意🫖玄米桂花茶店員講咗好多款唔同嘅茶俾我哋聽我哋今次就揀咗玄米桂花飲落去十分之清甜 店員亦都有定時幫我哋加茶 好貼心🥢五代同堂呢個前菜一上枱真係亮眼 擺盤十分之精美 媽咪好鍾意😽三款海鮮搭配兩款開胃小菜有帶子、鮑魚、蟶子、蕃茄仔同簥頭個人最鍾意蟶子皇 泡椒點綴咗海鮮嘅鮮味 每一道小菜份量都啱啱好🥢蒜香欖菜龍蝦🥢三鮮雞油蒸野生馬友魚主菜我同屋企人各嗌咗一款龍蝦同馬友魚嘅肉質都十分之嫩滑龍蝦用咗蒜同欖菜炸香 味道同蝦肉好夾 口感上亦都豐富咗而馬友魚魚肉厚度十足 夾埋蔥油一齊蒸好食嘅魚果然只要簡單嘅蒸法已經突顯到佢嘅鮮味！亦都係我覺得最好食嘅餸菜之一十分之推介鍾意食魚嘅朋友試吓🥢香脆蝦多士我就比較鍾意食香口啲嘅嘢 所以嗌咗蝦多士 呢度嘅蝦多士啖啖都係蝦肉 而且多士炸到啱啱好外脆內軟 好出色🥢脆皮炸鮮奶呢款甜品要做得好食，同埋口感保持到嘅話係好需要甜品師傅嘅功夫一食落去覺得好鬆脆鮮奶喺入邊炸到軟度啱啱好質感好似
所以今個周末 family gathering 帶咗屋企人嚟IFC 試吓🫖
入到去好多枱都係一家人一齊嚟 望住個海飲茶 景觀真係唔錯 屋企人好滿意
🫖玄米桂花茶
店員講咗好多款唔同嘅茶俾我哋聽
我哋今次就揀咗玄米桂花
飲落去十分之清甜 店員亦都有定時幫我哋加茶 好貼心
🥢五代同堂
呢個前菜一上枱真係亮眼 擺盤十分之精美 媽咪好鍾意😽
三款海鮮搭配兩款開胃小菜
有帶子、鮑魚、蟶子、蕃茄仔同簥頭
個人最鍾意蟶子皇 泡椒點綴咗海鮮嘅鮮味 每一道小菜份量都啱啱好
🥢蒜香欖菜龍蝦
🥢三鮮雞油蒸野生馬友魚
主菜我同屋企人各嗌咗一款
龍蝦同馬友魚嘅肉質都十分之嫩滑
龍蝦用咗蒜同欖菜炸香 味道同蝦肉好夾 口感上亦都豐富咗
而馬友魚魚肉厚度十足 夾埋蔥油一齊蒸
好食嘅魚果然只要簡單嘅蒸法已經突顯到佢嘅鮮味！亦都係我覺得最好食嘅餸菜之一十分之推介鍾意食魚嘅朋友試吓
🥢香脆蝦多士
我就比較鍾意食香口啲嘅嘢 所以嗌咗蝦多士 呢度嘅蝦多士啖啖都係蝦肉 而且多士炸到啱啱好外脆內軟 好出色
🥢脆皮炸鮮奶
呢款甜品要做得好食，同埋口感保持到嘅話係好需要甜品師傅嘅功夫
一食落去覺得好鬆脆
鮮奶喺入邊炸到軟度啱啱好
質感好似啫喱咁亦都唔會太甜
🥢椒鹽脆豆腐
本身以為呢度嘅炸豆腐係好似坊間咁樣嘅一粒粒
原來呢度係十分之大塊嘅豆腐磚！
大家記住留意返呢度嘅點心，係以件數去嗌
所以我同屋企人都超級滿足
一人一大嚿
總括而言 屋企人都好滿意今次嘅brunch
嘢食嘅水準，絕對符合呢度嘅價位
而且仲要有一個咁靚嘅景 真係抵晒✌🏻✌🏻✌🏻
Post
