Video
Read full review
2020-07-06
262 views
今日難得放假，同朋友去完大館玩，見夠鐘食lunch就行左去附近嘅h code ’品’諗住食餐好嘅。當日天氣都非常炎熱，店員好快手係我哋坐低一刻已經幫我哋準備咗2杯冰水降一降暑氣，幾貼心。由於疫情關係，餐廳都準備左酒精搓手液，毛巾同紙巾俾我哋清潔雙手同放口罩。個人涼返之後先發現佢哋有好多種類嘅酒做decor , 原來佢哋平時夜晚係食wine pairing 嘅菜式，不過當日食lunch就有bento menu ，於是就叫左品味海蝦炒手打魚麵 同 原隻鮑魚花膠撈飯。佢哋每個便當餐都會附送一款茶，經過店員嘅介紹，我哋選擇左白茶同綠茶，另外仲加左$25要左個燉湯。白茶係用左雲南2019年月光白芽茶葉，聞落味道唔係太突出，第一泡茶係相對柔和，越飲就會越有陣木香味，頗有層次感。至於朋友嘅綠茶係採用四川嘅香片,一沖出嚟就已經有陣陣嘅茉莉香，飲落清香而不澀。店員為左避免茶葉因浸泡得太耐而變苦澀，每次只會沖一杯茶嘅份量。我係飲得比較多水嘅人，原本好驚尷尬，要係咁麻煩店員加水，但係店員都相當細心，會留意我哋幾時飲完，預早少少幫我哋沖定浸定茶葉，等我哋唔洗尷尬叫加水。要加分！當日嘅燉湯係准山海底椰鮑魚湯，味
當日天氣都非常炎熱，店員好快手係我哋坐低一刻已經幫我哋準備咗2杯冰水降一降暑氣，幾貼心。
由於疫情關係，餐廳都準備左酒精搓手液，毛巾同紙巾俾我哋清潔雙手同放口罩。
個人涼返之後先發現佢哋有好多種類嘅酒做decor , 原來佢哋平時夜晚係食wine pairing 嘅菜式，不過當日食lunch就有bento menu ，於是就叫左品味海蝦炒手打魚麵 同 原隻鮑魚花膠撈飯。佢哋每個便當餐都會附送一款茶，經過店員嘅介紹，我哋選擇左白茶同綠茶，另外仲加左$25要左個燉湯。
白茶係用左雲南2019年月光白芽茶葉，聞落味道唔係太突出，第一泡茶係相對柔和，越飲就會越有陣木香味，頗有層次感。
7 views
0 likes
0 comments
至於朋友嘅綠茶係採用四川嘅香片,一沖出嚟就已經有陣陣嘅茉莉香，飲落清香而不澀。
8 views
0 likes
0 comments
店員為左避免茶葉因浸泡得太耐而變苦澀，每次只會沖一杯茶嘅份量。我係飲得比較多水嘅人，原本好驚尷尬，要係咁麻煩店員加水，但係店員都相當細心，會留意我哋幾時飲完，預早少少幫我哋沖定浸定茶葉，等我哋唔洗尷尬叫加水。要加分！
當日嘅燉湯係准山海底椰鮑魚湯，味道有啲似螺頭，但係比螺頭再多陣鮮甜味，非常濃郁，而且好夠熱，亦唔覺湯有落味精，湯中都有2片鮑魚，無欺場。
5 views
0 likes
0 comments
原隻鮑魚花膠撈飯嘅便當set 有四隻細鮑魚，同少量嘅花膠做主菜，配上炒得幾有火氣同蛋香嘅炒飯，撈入濃稠嘅鮑汁，味道唔花巧，已經幾好食。另外佢亦有蒜蓉菜芯，炸蝦球，滷水豆腐同紅酒芝麻醬浸蟲草花。
菜芯唔算老，脆卜卜嘅炸蒜增加左配菜嘅口感。
炸蝦球內裏嘅蝦滑爽口有彈性，外面先鋪上藜麥再油炸，非常香口惹味。
滷水豆腐非常之入味，花椒八角嘅香味尤其突出，可惜個人對太大嘅香料味有啲抗拒，唔算太鐘意食。
紅酒芝麻醬蟲草花一如既往彈牙，醬汁方面有驚喜，一入口先係麻醬味香濃，慢慢咀嚼就有陣淡淡紅酒嘅味，香而不澀。估唔至2者都幾夾。
8 views
0 likes
0 comments
至於朋友叫嘅’品’味海蝦炒手打魚麵都頗有鑊氣，海蝦肉質緊實，有黑椒調味。可惜手打魚麵嘅麵質係偏林嘅鯪魚肉質地，唔夠爽口彈牙，有啲失望。
8 views
0 likes
0 comments
5 views
0 likes
0 comments
總括而然，雖然餐廳位置有啲偏遠，不過無論係食物，環境同服務質素都相當唔錯。價格以中環午餐黎講都係中上價錢。久唔久食一次好野獎勵吓辛苦工作嘅自己。
Post
