喜多嬉牡蠣屋 (Moved) New Location

中環都有高質放題?! 喜多嬉牡蠣屋唔止有放題，仲要以蠔為主打，用質素打響名堂🦪放題可選擇60或90分鐘，包括日本直送牡蠣刺身、燒牡蠣、燒帆立貝、多款主食以及指定特色串燒！同老公揀左90分鐘，先上枱既係八寸一喜多嬉九品，九款不同類型前菜精緻放係木盤，打卡一流🥰其中最鍾意香脆而清香既天婦羅秋葵，同埋肉質軟腍既燒活白鰻！主打牡蠣刺身體型都幾大隻，而且入口清甜，礦物味唔算太重，海水味鹹香同滑溜肉質剛剛平衡，放題生蠔竟然都有高質素🤤落單時可以選要唔要上面嘅蘿蔔蓉、土佐醋啫喱及蔥花，調整啱自己既口味！烤牡蠣同帆立貝同樣唔輸蝕，燒香後唔怕乾身，而且有蒜蓉、XO醬同孜然醬俾客人調味，最鍾意大量蒜蓉配XO，重口味之選🫶🏻特色串燒可以選擇燒鳥大腿肉、豬頸肉、羊架等等，種類都幾豐富。主菜有細細份既茶漬飯或者五島手延烏冬，試多幾款都唔怕頂肚；呀麵最鍾意牡蠣五島手延烏冬，蠔湯鮮味濃郁，烏冬質地雖然幼身但厚實，掛湯力一流！