鮨釀 (Closed)

朋友生日揀左呢間同佢慶祝，餐廳地點有d遠，唔係地鐵站附近，要上長電梯再行幾步路，大熱天時上到去真係流哂汗🙈🙈一入座餐廳就問想要冰茶定熱茶，好貼心😍冰茶好好飲，濃味但唔會澀，真係透心涼☺️第一道菜係粟米燕窩茶碗蒸，超級甜！茶碗蒸好滑，冇諗過粟米燕窩加埋落去係可以咁好食😍令人驚艷👍🏻👍🏻之後開始上壽司，有秋鮭、間八、池魚等等，舍利酸度同硬度都唔算重，正中我口味🤤上左大約3件壽司之後上左縞蝦配海葡萄，又係另一驚豔之作，縞蝦好甜，加埋海葡萄、酸汁啫喱同蕃茄蓉，成件事好清新好夏日，好refresh🥰🥰食完縞蝦再上左帆立貝、小肌、中拖羅、大拖羅同海膽壽司，仲有燒馬友，最後仲有干瓢卷、玉子同蜆肉味增湯，好滿足💞